Memleket basshysy Halyqaralyq "Qazaq tili" qoǵamynyń tóraǵasy Raýan Kenjehanulyn qabyldady, dep habarlaidy dalanews.kz.
Prezidentke "Qazaq tili" qoǵamy qazaq tilin oqytý ádistemesin jetildirý, qazaqsha mazmundy baiytý jáne jańa tehnologiialar salasynda tildiń qoldanys aiasyn keńeitý sekildi úsh negizgi baǵyt boiynsha jobalardy júzege asyryp jatqany jóninde baiandaldy.
Raýan Kenjehanuly OpenAI kompaniiasymen birlesken joba aiasynda kólemi 14 milliard token bolatyn mátin korpýsy qalyptasqanyn jáne 12 myń saǵat aýdiojazba jinaqtalǵanyn aitty. Sońǵy úsh jylda Disney, Pixar jáne Sony stýdiialarynyń 13 tanymal filmi qazaq tilinde dybystalyp, úlken ekranǵa shyqty.
Sonymen qatar, Qasym-Jomart Toqaevqa Qazaq Tili Endowment qorynyń jumysy týraly málimet berildi. Qazirge kezde qorǵa túsken jarna kólemi 824 million teńgege jetken.
Memleket basshysy Halyqaralyq "Qazaq tili" qoǵamynyń qyzmetine joǵary baǵa berip, aldaǵy josparlary tabysty bolýyna tilektestik bildirdi.
Prezident memlekettik tildi úiretý, sondai-aq, ǵylymi shyǵarmalardy aýdarý isinde jasandy intellektiniń áleýetin barynsha paidalaný mańyzdy ekenin atap ótti.
