Úkimet Ulttyq panteonǵa jerleýge quqyǵy bar laýazymdy tulǵalardyń tizimin qaita qarady. Tiisti qaýlyǵa 4 qarashada premer-ministr Oljas Bektenov qol qoiǵan, dep habarlaidy dalanews.kz.
Qujattyń jańa redaktsiiasyna sáikes Ulttyq panteonǵa qaitys bolǵan nemese qaza tapqan vitse-prezidentterdi, premer-ministrler men olardyń orynbasarlaryn, Quryltai tóraǵalary men olardyń orynbasarlaryn, Halyq keńesiniń tóraǵalary men olardyń orynbasarlaryn, parlament palatalarynyń basshylary men olardyń orynbasarlaryn jerleýge bolady.
Tizimge memlekettik hatshylar men memlekettik keńesshiler, Prezident ákimshiliginiń basshylary, Konstitýtsiialyq keńestiń, Konstitýtsiialyq sottyń, Joǵarǵy sottyń jáne Ulttyq banktiń tóraǵalary, sondai-aq, Qaýipsizdik keńesi tóraǵasynyń orynbasarlary engizilgen.
Panteonǵa ministrlerdi, prezidentke tikelei baǵynatyn jáne esep beretin memlekettik organdardyń basshylaryn, Astana, oblystar jáne respýblikalyq mańyzy bar qalalardyń ákimderin de jerleýge bolady.
Qujatta Prezident osyndai sheshim qabyldaǵan jaǵdaida, Qazaqstannyń basqa da azamattaryn panteonǵa jerleýge bolatyny kórsetilgen. Bul rette jerleý rásimin uiymdastyrýdy marqumnyń jubaiy, jaqyn týystary nemese zańdy ókili bastaýy kerek. Jerleý rásimin uiymdastyrýǵa Astana, oblystar jáne respýblikalyq mańyzy bar qalalardyń ákimdikteri jaýap beredi.
Qaýly alǵashqy resmi jariialanǵan kúninen keiin on kúntizbelik kún ótken soń kúshine enedi.
