Aqmola oblysynda politseiler jazǵy dóńgelekpen jolǵa shyqqan 744-ten asa júrgizýshini keri qaitardy, dep habarlaidy dalanews.kz.
Aýa raiynyń qolaisyzdyǵyna bailanysty Aqmola oblysynda politsiia qyzmetkerleri respýblikalyq mańyzy bar joldarda kúsheitilgen rejimde jumys istep jatyr.
8-9 qarasha kúnderi óńirdegi birqatar tasjolda jazǵy dóńgelekpen jabdyqtalǵan kólikterdiń qozǵalysyna ýaqytsha shekteý engizildi. Shekteýler Astana - Shýchinsk, Astana - Shiderti - Pavlodar jáne Kókshetaý - Atbasar baǵyttarynda qoldanyldy.
Sonymen qatar, aýa raiyna bailanysty respýblikalyq tasjoldardyń keibir ýchaskelerinde jyldamdyq rejimi tómendetildi. Bul sharalar jol apatynyń aldyn alýǵa jáne qozǵalysqa qatysýshylardyń qaýipsizdigin saqtaýǵa baǵyttalǵan.
Politsiia qyzmetkerleri buǵan deiin júrgizýshilerge qysqy dóńgelekke ýaqtyly aýysý qajet ekenin birneshe ret eskertken. Alaida keibir júrgizýshiler aýa raiynyń qolaisyzdyǵyna qaramastan, qys mezgiline daiyn emes kóliktermen jolǵa shyǵýyn jalǵastyrǵan.
