AQSh prezidenti Donald Tramp kelesi aptada Qytaida ótetin Aziia-Tynyq muhity ekonomikalyq yntymaqtastyǵy (ATES) sammiti aiasynda Resei prezidenti Vladimir Pýtinmen jáne Qytai tóraǵasy Si Tszinpinmen kezdesetinin rastady, dep habarlaidy dalanews.kz.
Jýrnalisterdiń suraqtaryna jaýap bergen Tramp aldaǵy kelissózderdiń negizgi taqyryptarynyń biri iadrolyq qarýdan arylý máselesi bolatynyn aitty.
«Men Qytaiǵa barmaqpyn. Kezdesýlerdiń biri prezident Pýtinmen jáne prezident Simen ótedi dep oilaimyn. Bul qyzyqty bolmaq. Biz kóptegen máseleni, sonyń ishinde iadrolyq qarýsyzdaný máselesin talqylaimyz», – dedi AQSh prezidenti.
Aldaǵy kezdesýlerde úsh el arasyndaǵy qarym-qatynas pen halyqaralyq qaýipsizdik máseleleri de talqylanýy múmkin.
Eske salaiyq, buǵan deiin Tramp Pýtinmen jáne Zelenskiimen jaqyn arada kezdesýi múmkin ekenin aitqan edi.
