Qazaqstan prezidenti Qasym-Jomart Toqaev pen Tájikstan prezidenti Emomali Rahmon kelissózder qorytyndysy boiynsha eki el arasyndaǵy yntymaqtastyqtyń basym baǵyttaryn aiqyndaityn Birlesken málimdeme qabyldady, dep habarlaidy dalanews.kz.
Aqorda málimetinshe, memleket basshylarynyń qatysýymen resmi delegatsiia músheleri úkimetaralyq jáne vedomstvoaralyq 14 qujatpen almasty.
Qujattar energetika, saýda, ónerkásip, aýyl sharýashylyǵy, densaýlyq saqtaý, tsifrlandyrý jáne basqa da salalardaǵy yntymaqtastyqty qamtidy.
Qandai qujattarǵa qol qoiyldy?
1. Qazaqstan men Tájikstan úkimetteri arasyndaǵy Tájikstan Ulttyq qaýipsizdik memlekettik komitetiniń Shekara áskerlerine kadr daiarlaý salasyndaǵy kelisim.
2. Elektr energetikasy salasyndaǵy yntymaqtastyq týraly kelisim.
3. Taý-ken jáne taý-ken metallýrgiiasy salalaryndaǵy jobalardy damytý maqsatynda uzaq merzimdi yntymaqtastyqty odan ári damytý jáne tereńdetý týraly kelisim.
4. 2030 jylǵa deiin Qazaqstan men Tájikstan arasyndaǵy taýar ainalymyn arttyrý jónindegi jol kartasy.
5. Qazaqstan men Tájikstan Bas prokýratýralary arasyndaǵy áriptestik jáne yntymaqtastyq týraly memorandým.
6. Zeinetaqymen qamsyzdandyrý salasyndaǵy aqparattyq yntymaqtastyq týraly kelisim.
7. Densaýlyq saqtaý salasyndaǵy yntymaqtastyq týraly kelisim.
8. Munai ónimderin jetkizý salasyndaǵy yntymaqtastyq týraly negizdemelik kelisim.
9. 2027–2028 jyldarǵa arnalǵan aýyl sharýashylyǵy salasyndaǵy yntymaqtastyqty jandandyrý jónindegi jol kartasy.
10. 2027 jylǵa arnalǵan ónerkásip salasyndaǵy yntymaqtastyq týraly memorandýmdy iske asyrý jónindegi ózara is-qimyl jospary.
11. Qazaqstannyń Memlekettik qyzmet isteri agenttigi men Tájikstannyń Memlekettik qarjylyq baqylaý jáne sybailas jemqorlyqqa qarsy kúres agenttigi arasyndaǵy ózara túsinistik týraly memorandým.
12. Jasandy intellekt salasyndaǵy ózara túsinistik jáne yntymaqtastyq týraly memorandým.
13. Elektrondyq kommertsiia júiesin damytý salasyndaǵy ózara túsinistik týraly memorandým.
14. Qazaqstan prezidentiniń teleradiokesheni men Tájikstan úkimeti janyndaǵy Teledidar jáne radio komiteti arasyndaǵy ózara túsinistik jáne yntymaqtastyq týraly memorandým.
Osylaisha, eki el saýda-ekonomikalyq bailanystardy keńeitýge, energetika jáne ónerkásip salalaryndaǵy birlesken jobalardy damytýǵa, sondai-aq tsifrlyq tehnologiialar men memlekettik basqarý baǵyttaryndaǵy yntymaqtastyqty nyǵaitýǵa kelisti.
