Vitse-Prezident Erlan Qarin Ábý Nasyr ál-Farabidiń filosofiialyq jáne ǵylymi murasyna arnalǵan «Filosofiia. Etika. Bolashaq» atty halyqaralyq simpoziýmǵa qatysty, dep habarlaidy dalanews.kz.
Ál-Farabidiń murasyn dáripteýge arnalǵan halyqaralyq simpoziýmdy turaqty túrde ótkizý týraly bastamany Memleket basshysy Qasym-Jomart Toqaev kóterdi. Biyl ǵylymi forým Almaty qalasynda ál-Farabi atyndaǵy Qazaq ulttyq ýniversitetinde ótip jatyr.
Halyqaralyq simpoziýmnyń ashylýynda Erlan Qarin Memleket basshysynyń quttyqtaý hatyn oqyp berdi. Prezident jiynǵa qatysýshylarǵa joldaǵan quttyqtaý hatynda uly oishyldardyń ozyq ideialaryn tereń zerdelep, óskeleń urpaq arasynda keńinen nasihattaýdyń, sondai-aq onyń bárin zamanaýi ǵylym turǵysynan paiymdaýdyń mańyzdy ekenine toqtaldy.
– Ál-Farabi adamzatqa ortaq myzǵymas qundylyqtardy keńinen dáriptep, sońyna teńdessiz mura qaldyrdy. Onyń parasatty adam jáne qaiyrymdy qoǵam týraly tujyrymdary eshqashan ózektiligin joǵaltpaidy. Munyń bári ulttyq bolmysymyzdyń ajyramas bóligine ainalǵan «Taza Qazaqstan», «Adal azamat» ideialarymen úndesedi, – dep atap ótti Qasym-Jomart Toqaev.
Simpoziým qatysýshylarynyń aldynda sóilegen sózinde Vitse-Prezident ál-Farabidiń ideialary qazirgi jahandaný jáne tehnologiialyq progress dáýirinde erekshe ózekti ekenin málimdedi. Erlan Qarinniń aitýynsha, ál-Farabi, Qoja Ahmet Iasaýi jáne Abai syndy kórnekti oishyldardyń murasy ǵylymi qaýymdastyq tarapynan qyzyǵýshylyq týdyrady jáne qoǵamnyń rýhani-adamgershilik negizderin nyǵaitý isinde airyqsha ról atqarady.
Sondai-aq Vitse-Prezident ál-Farabi simpozimýy dástúrli ǵylymi jiynǵa ainalatynyn jetkizdi.
– Prezident Túrkistanda – Iasaýi, Almatyda ál-Farabi murasyna arnalǵan halyqaralyq simpoziýmdardy budan bylai turaqty túrde uiymdastyrýdy tapsyrdy. Eki úlken tulǵaǵa arnalǵan mundai jiyndar kezekpen eki jylda bir ret ótkiziletin bolady. Bul – rýhani muramyzdy naýqandyq emes, institýtsionaldyq deńgeide júieli, keshendi zertteýge kóshkenimizdi kórsetedi. Qazaqstan óziniń tarihyn, rýhani murasyn zertteýdi, nasihattaýdy júieli túrde qolǵa alýda. Bul – aǵartýshylyq baǵyttaǵy úlken betburystyń belgisi, – dedi Erlan Qarin.
Forým barysynda qatysýshylar Ábý Nasyr ál-Farabidiń filosofiialyq iliminiń jahandyq gýmanitarlyq dialogty ornyqtyrýdaǵy, jalpyadamzattyq qundylyqtardy ilgeriletýdegi rólin talqylady.
Halyqaralyq simpoziýmǵa elimizdiń jáne sheteldiń 150-den astam ǵalymdary, zertteýshileri, sarapshylary, sondai-aq jetekshi halyqaralyq uiymdardyń ókilderi qatysty.
