Qazaqstannan benzin men dizel otynyn syrtqa shyǵarýǵa qoiylǵan shekteý taǵy alty aiǵa uzartyldy. Tiisti tyiym 2026 jylǵy 22 qarashadan 2027 jylǵy 22 mamyrǵa deiin qoldanylady, dep habarlaidy dalanews.kz.
Shekteý kóliktiń barlyq túrine qatysty. Alaida keibir jaǵdailarǵa erekshelik qarastyrylǵan. Atap aitqanda, shekaradan táýligine bir retten jii ótpegen jaǵdaida kóliktiń zaýytta ornatylǵan janarmai bagyndaǵy otyndy alyp ótýge ruqsat etiledi.
Sonymen qatar gýmanitarlyq kómek retinde jiberiletin janarmai men aviaotynnyń zerthanalyq synamalaryna da tyiym salynbaidy.
Shekteýdi uzartýdyń basty sebebi – Qazaqstandaǵy janarmai baǵasynyń kórshi memlekettermen salystyrǵanda tómen bolýy. Osy aiyrmashylyqqa bailanysty elden benzin men dizel otynyn zańsyz áketý áreketteri jiilegen.
