Qazaqstanda ázirlengen QazVac koronavirýs vaktsinasy Dúniejúzilik densaýlyq saqtaý uiymynda (DDSU) tirkeýden ótpedi. Vaktsinany ázirleýge 2 mlrd teńgeden astam, al Jambyl oblysyndaǵy zaýyt qurylysyna shamamen 7 mlrd teńge jumsalǵan. Bul týraly Densaýlyq saqtaý ministri Aqmaral Álnazarova málimdedi., dep habarlaidy dalanews.kz.
QazVac vaktsinasyn Biologiialyq qaýipsizdik problemalary ǵylymi-zertteý institýtynyń mamandary ázirlegen. Pandemiia kezinde qazaqstandyq 300 myńnan astam adam osy vaktsinany alǵan.
Jariialanǵan zertteý nátijesinde preparattyń tiimdiligi 82% dep kórsetilgen. Alaida vaktsina halyqaralyq tirkeýden óte almady. 2023–2024 jyldary DDSU qosymsha talaptar qoiǵan.
Qazaqstan dárilik zattardy retteý júiesiniń jetilý deńgeii boiynsha DDSU-nyń úshinshi deńgeiine tek 2026 jylǵy sáýirde qol jetkizdi.
Densaýlyq saqtaý ministri Aqmaral Álnazarovanyń aitýynsha, qazirgi ýaqytta QazVac vaktsinasyn halyqaralyq deńgeide tirkeýge kúsh salý tiimsiz. Onyń ornyna Qazaqstan DDSU júiesiniń tórtinshi, eń joǵary jetilý deńgeiine qol jetkizý úshin zerthanalyq keshen salýdy josparlap otyr.
Jańa zerthana qurylysy 2027 jyly bastalýy múmkin.
