قازاقستاندا ەزٸرلەنگەن QazVac كوروناۆيرۋس ۆاكتسيناسى دٷنيەجٷزٸلٸك دەنساۋلىق ساقتاۋ ۇيىمىندا (ددسۇ) تٸركەۋدەن ٶتپەدٸ. ۆاكتسينانى ەزٸرلەۋگە 2 ملرد تەڭگەدەن استام, ال جامبىل وبلىسىنداعى زاۋىت قۇرىلىسىنا شامامەن 7 ملرد تەڭگە جۇمسالعان. بۇل تۋرالى دەنساۋلىق ساقتاۋ مينيسترٸ اقمارال ەلنازاروۆا مەلٸمدەدٸ., دەپ حابارلايدى dalanews.kz.
QazVac ۆاكتسيناسىن بيولوگييالىق قاۋٸپسٸزدٸك پروبلەمالارى عىلىمي-زەرتتەۋ ينستيتۋتىنىڭ ماماندارى ەزٸرلەگەن. پاندەمييا كەزٸندە قازاقستاندىق 300 مىڭنان استام ادام وسى ۆاكتسينانى العان.
جارييالانعان زەرتتەۋ نەتيجەسٸندە پرەپاراتتىڭ تيٸمدٸلٸگٸ 82% دەپ كٶرسەتٸلگەن. الايدا ۆاكتسينا حالىقارالىق تٸركەۋدەن ٶتە المادى. 2023–2024 جىلدارى ددسۇ قوسىمشا تالاپتار قويعان.
قازاقستان دەرٸلٸك زاتتاردى رەتتەۋ جٷيەسٸنٸڭ جەتٸلۋ دەڭگەيٸ بويىنشا ددسۇ-نىڭ ٷشٸنشٸ دەڭگەيٸنە تەك 2026 جىلعى سەۋٸردە قول جەتكٸزدٸ.
دەنساۋلىق ساقتاۋ مينيسترٸ اقمارال ەلنازاروۆانىڭ ايتۋىنشا, قازٸرگٸ ۋاقىتتا QazVac ۆاكتسيناسىن حالىقارالىق دەڭگەيدە تٸركەۋگە كٷش سالۋ تيٸمسٸز. ونىڭ ورنىنا قازاقستان ددسۇ جٷيەسٸنٸڭ تٶرتٸنشٸ, ەڭ جوعارى جەتٸلۋ دەڭگەيٸنە قول جەتكٸزۋ ٷشٸن زەرتحانالىق كەشەن سالۋدى جوسپارلاپ وتىر.
جاڭا زەرتحانا قۇرىلىسى 2027 جىلى باستالۋى مٷمكٸن.
