اقتٶبەدە ەر ادام بۇرىنعى جۇبايىن ٶلتٸردٸ دەگەن كٷدٸكپەن ۇستالدى. قايعىلى وقيعا 5 قاراشا كٷنٸ بولعان. مارقۇمنىڭ ارتىندا كٸشكەنتاي قىزى قالعان, دەپ dalanews.kz تٸلشٸسٸ Stan.kz باسىلىمىنا سٸلتەمە جاساپ حابارلايدى.
وقيعا تۋرالى العاشقى اقپارات ەلەۋمەتتٸك جەلٸدە تاراعان. قازا تاپقان ەيەلدٸڭ تۋىستارى قايعىلى جاعدايدى جارييالاپ, جاقىن ادامىنان ايىرىلعانىن جەتكٸزگەن. مارقۇمنىڭ جاقىندارىنىڭ بٸرٸ بۇرىنعى ەرلٸ-زايىپتىلاردىڭ ورتاق بالاسى بولعانىن ايتىپ, بولعان جاعدايعا بايلانىستى جانايقايىن بٸلدٸردٸ.
"كەشە تٷندە اقتٶبەدە مەنٸڭ ەپكەمدٸ بۇرىنعى كٷيەۋٸ ٶلتٸرٸپ كەتتٸ. ەكەۋٸنٸڭ ورتاق بالاسى بار ەدٸ. ەركەكتەر سەندەرگە نە بولعان? جاپ-جاس قىزدى قورلاپ ٶلتٸرٸپ تاستادى, ٶزٸ تٷرمەگە كەتتٸ, كٸشكەنتاي قىزى جەتٸم قالدى", – دەلٸنگەن جازبادا.
ەيەلدٸڭ تاعى بٸر تۋىسى دا ەلەۋمەتتٸك جەلٸدەگٸ پاراقشاسىندا قارالى حابارمەن بٶلٸستٸ. ول مارقۇمنىڭ مەزگٸلسٸز قازاسى بٷكٸل وتباسى ٷشٸن اۋىر سوققى بولعانىن جازعان.
"مەزگٸلسٸز ٶلٸم, مەزگٸلسٸز قايعى, مەزگٸلسٸز جوقتاۋ. جانىم-اۋ, ادام قولىنان بولارىن كٸم بٸلگەن?! جاپ-جاس ەدٸڭ عوي. جٷرەگٸم قارس ايىرىلىپ, قول-اياعىم بايلانىپ وتىر. تەتەلەپ ارتىمنان ەرگەن سٸڭلٸم ەدٸڭ, باۋىرىم ەدٸڭ. سەنٸڭ ٶمٸرٸڭدٸ العان ادامنىڭ اللا جازاسىن بەرسٸن. بوتام-اۋ, ارتىڭدا قالعان پەرٸشتەنٸ اياپ وتىرمىن. شىبىن جانى شىرىلداپ قالعان ەكە-شەشە, اتا-ەجەڭدٸ اياپ وتىرمىن. سەنٸ ٶلتٸرگەن ايۋاندى ارالارىڭداعى پەرٸشتەنٸڭ كٶز جاسى اياماسىن", – دەپ جازبا قالدىردى مارقۇمنىڭ جاقىنى.
اقتٶبە وبلىستىق پوليتسييا دەپارتامەنتٸ ەيەل ٶلٸمٸنە قاتىستى اقپاراتتى راستادى. قۇقىق قورعاۋ ورگاندارى كٷدٸكتٸنٸڭ ۇستالىپ, ۋاقىتشا ۇستاۋ يزولياتورىنا قامالعانىن حابارلادى. پوليتسييا دەپارتامەنتٸ باستىعىنىڭ ورىنباسارى ەسەت قاليەۆتٸڭ ايتۋىنشا, قىلمىسقا بۇرىنعى ەرلٸ-زايىپتىلار اراسىنداعى تۇرمىستىق جانجال سەبەپ بولۋى مٷمكٸن.
"اتالعان دەرەك بويىنشا قىلمىستىق ٸس قوزعالدى. پوليتسييا قىزمەتكەرلەرٸ كٷدٸكتٸنٸڭ جەكە باسىن انىقتاپ, ونى ۇستادى. قازٸر كٷدٸكتٸ ۋاقىتشا ۇستاۋ يزولياتورىنا قامالدى. الدىن الا مەلٸمەت بويىنشا, قىلمىس بۇرىنعى ەرلٸ-زايىپتىلار اراسىندا تۇرمىستىق جانجال سالدارىنان بولعان. قازٸر وقيعانىڭ بارلىق مەن-جايىن انىقتاۋعا باعىتتالعان قاجەتتٸ تەرگەۋ ەرەكەتتەرٸ جٷرگٸزٸلۋدە. تەرگەۋ مٷددەسٸنە بايلانىستى ٶزگە اقپارات جارييا ەتٸلمەيدٸ", – دەپ حابارلادى ەسەت قاليەۆ.
سونىمەن قاتار پوليتسييا بۇعان دەيٸن اتالعان ازاماتتاردىڭ اراسىنداعى وتباسىلىق جانجالدارعا قاتىستى قۇقىق قورعاۋ ورگاندارىنا ەشقانداي ارىز نەمەسە شاعىم تٷسپەگەنٸن مەلٸمدەدٸ.
قازٸرگٸ ۋاقىتتا قىلمىستىق ٸس بويىنشا تەرگەۋ امالدارى جالعاسىپ جاتىر. وقيعانىڭ ناقتى مەن-جايى انىقتالۋدا.
