Almatyda Valerii Meladzeniń kontserti kezinde janjal shyǵarǵan úsh áiel anyqtalyp, ákimshilik jaýapkershilikke tartyldy, dep habarlaidy dalanews.kz.
Politsiianyń málimetinshe, kontsert barysynda birneshe áieldiń arasynda janjal týyndaǵan. Qaýipsizdik qyzmetkerleri olardy kontsert alańynan shyǵaryp jibergen. Oqiǵaǵa qaramastan, kontsert toqtatylmai, jalǵasyn tapqan.
Tekserý nátijesinde oqiǵaǵa qatysqan úsh áiel anyqtaldy. Olardyń ekeýi Almaty oblysynyń turǵyndary. Birine sot sheshimimen bes táýlikke ákimshilik qamaq taǵaiyndalsa, ekinshisine qoǵamdyq orynda mas kúide júrgeni úshin aiyppul salyndy.
Al Taraz qalasynyń turǵynyna usaq buzaqylyq deregi boiynsha ákimshilik is qozǵalyp, material sotqa joldanǵan.
Budan bólek, áleýmettik jelilerge júrgizilgen monitoring barysynda kontserttiń toqtatylǵany týraly jalǵan aqparat jariialanǵany anyqtaldy. Instagram paraqshasynyń iesi de anyqtalyp, ákimshilik jaýapkershilikke tartylyp, aiyppul salyndy.
Politsiia ókilderi qoǵamdyq tártipti buzý jáne kórineý jalǵan aqparat taratý zań boiynsha jaýapkershilikke ákep soǵatynyn eske saldy.
