Almaty qalasynyń Tótenshe jaǵdailar departamenti taýdaǵy oqiǵalardyń jiilep ketkenin eskertip, turǵyndar men týristerdi qaýipsizdik sharalaryn saqtaýǵa shaqyrdy, dep habarlaidy dalanews.kz.
2026 jyldyń basynan beri qutqarýshylar taýly aimaqtarda 434 izdestirý-qutqarý operatsiiasyn júrgizgen. Bul ótken jylǵy jyldyq kórsetkishten de joǵary. 2025 jyly mundai operatsiialardyń sany 410 bolǵan.
Qutqarýshylardyń kómegine 702 adam júgingen. Olardyń 123-i túrli jaraqat alǵan.
Mamandardyń aitýynsha, taýdaǵy oqiǵalardyń negizgi sebepteri – joryqqa jetkilikti daiyndalmaý, aýa raiyna sai kelmeitin kiim men aiaq kiim tańdaý, ózimen birge sý men azyq-túlik almaý, sondai-aq baǵytty aldyn ala zerttemeý.
Aýa raiynyń qolaisyzdanýyna bailanysty TJD týristerge taýǵa shyǵar aldynda marshrýtty muqiiat josparlaýdy, qajetti qural-jabdyqtardy tekserýdi jáne qaida baratyny týraly jaqyndaryna habarlaýdy eskertedi.
Qutqarýshylar taýdaǵy qaýipsizdik erejelerin saqtap, óz múmkindikterin durys baǵalaýǵa shaqyrady.
