الماتى قالاسىنىڭ تٶتەنشە جاعدايلار دەپارتامەنتٸ تاۋداعى وقيعالاردىڭ جيٸلەپ كەتكەنٸن ەسكەرتٸپ, تۇرعىندار مەن تۋريستەردٸ قاۋٸپسٸزدٸك شارالارىن ساقتاۋعا شاقىردى, دەپ حابارلايدى dalanews.kz.
2026 جىلدىڭ باسىنان بەرٸ قۇتقارۋشىلار تاۋلى ايماقتاردا 434 ٸزدەستٸرۋ-قۇتقارۋ وپەراتسيياسىن جٷرگٸزگەن. بۇل ٶتكەن جىلعى جىلدىق كٶرسەتكٸشتەن دە جوعارى. 2025 جىلى مۇنداي وپەراتسييالاردىڭ سانى 410 بولعان.
قۇتقارۋشىلاردىڭ كٶمەگٸنە 702 ادام جٷگٸنگەن. ولاردىڭ 123-ٸ تٷرلٸ جاراقات العان.
مامانداردىڭ ايتۋىنشا, تاۋداعى وقيعالاردىڭ نەگٸزگٸ سەبەپتەرٸ – جورىققا جەتكٸلٸكتٸ دايىندالماۋ, اۋا رايىنا ساي كەلمەيتٸن كيٸم مەن اياق كيٸم تاڭداۋ, ٶزٸمەن بٸرگە سۋ مەن ازىق-تٷلٸك الماۋ, سونداي-اق باعىتتى الدىن الا زەرتتەمەۋ.
اۋا رايىنىڭ قولايسىزدانۋىنا بايلانىستى تجد تۋريستەرگە تاۋعا شىعار الدىندا مارشرۋتتى مۇقييات جوسپارلاۋدى, قاجەتتٸ قۇرال-جابدىقتاردى تەكسەرۋدٸ جەنە قايدا باراتىنى تۋرالى جاقىندارىنا حابارلاۋدى ەسكەرتەدٸ.
قۇتقارۋشىلار تاۋداعى قاۋٸپسٸزدٸك ەرەجەلەرٸن ساقتاپ, ٶز مٷمكٸندٸكتەرٸن دۇرىس باعالاۋعا شاقىرادى.
