Abý-Dabide Resei, AQSh jáne Ýkraina arasynda úshjaqty kelissóz bastaldy. Kezdesýde soǵysty toqtatý jáne beibitshilikke qol jetkizý máseleleri talqylanady, dep habarlaidy dalanews.kz.
Kezdesý úshjaqty formatqa kóshkenin Ýkrainanyń ulttyq qaýipsizdik jáne qorǵanys keńesiniń hatshysy Rýstem Ýmerov Telegram arnasynda habarlady.
"Ýkraina - AQSh- Resei formatyndaǵy úshjaqty kelissózge kóshtik", - dep jazdy ol.
Ýmerovtiń aitýynsha, kezdesýdiń kún tártibinde soǵysty toqtatý jáne beibitshilikke qol jetkizý máseleleri bar.
Resei delegatsiiasyn prezidenttiń kómekshisi Vladimir Medinskii basqaryp otyr. Ol kelissóz basynda Birikken Arab Ámirlikterine qonaqjailyǵy úshin, al AQSh-qa bitimgerlik áreketi úshin alǵys aitty.
Kelissóz 10-11 qarashaǵa josparlanǵan. AQSh atynan prezidenttiń arnaiy ókili Stiv Ýitkoff pen Donald Tramptyń kúieý balasy Djared Kýshner qatysyp jatyr.
Ýkraina delegatsiiasyn Rýstem Ýmerov bastap keldi. Onyń quramynda prezident keńsesiniń basshysy Kirill Býdanov, birinshi orynbasary Sergei Kislitsa, "Slýga naroda" parlamenttik fraktsiiasynyń jetekshisi David Arahamiia jáne Qorǵanys ministrligi Bas barlaý basqarmasy bastyǵynyń orynbasary Vadim Skibitskii bar.
Bul - uzaq úzilisten keiingi alǵashqy kelissóz raýndy. Buǵan deiin taraptar 23-24 qańtarda jáne 4-5 aqpanda Abý-Dabide, 17-18 aqpanda Jenevada kezdesken. Ol kezde taraptar soǵysty toqtatý, qaýipsizdik jáne Resei men Ýkraina arasyndaǵy qaqtyǵysty retteý sharttaryn talqylaǵan.
