قازاقستاندىق كەسٸپقوي بوكسشى جەنٸبەك ەلٸمحانۇلى 2027 جىلى مەكسيكالىق بوكسشى ساۋل «كانەلو» الۆارەسپەن جەكپە-جەك ٶتكٸزۋٸ مٷمكٸن. ونىڭ ەسٸمٸ مەكسيكالىق بوكسشىنىڭ ىقتيمال قارسىلاستارىنىڭ قىسقا تٸزٸمٸنە ەنگٸزٸلدٸ, دەپ حابارلايدى dalanews.kz.
مەكسيكالىق بوكسشىنىڭ باپكەرٸ ەرٸ مەنەدجەرٸ ەددي رەينوسو 2027 جىلعا ارنالعان ىقتيمال قارسىلاستار تٸزٸمٸن جاساقتاعان. The Ring باسىلىمىنىڭ مەلٸمەتٸنشە, بۇل تٸزٸمگە جەنٸبەك ەلٸمحانۇلى (17-0, 12 نوكاۋت) پەن دانييالىق ياكوب بانك (20-0, 11 نوكاۋت) اراسىنداعى جەكپە-جەكتە جەڭٸسكە جەتكەن بوكسشى دا ەنگەن.
قازاقستاندىق بىلعارى قولعاپ شەبەرٸنٸڭ ەسٸمٸ ەكٸنشٸ ورتا سالماقتاعى چەمپيوندىق بەلبەۋلەردٸ بٸرٸكتٸرۋ جەكپە-جەكتەرٸنٸڭ ساناتىندا كٶرسەتٸلگەن.
بۇل تٸزٸمدە مەكسيكالىق حايمە مۋنگييا, امەريكالىق كريستيان اندرادە, WBC نۇسقاسى بويىنشا ەكٸنشٸ ورتا سالماقتاعى ۋاقىتشا ەلەم چەمپيونى لەستەر مارتينەس جەنە جارتىلاي اۋىر سالماقتاعى WBC چەمپيونى ۆيللي حاتچينسون دا بار.
سونداي-اق «كانەلو» كومانداسى امەريكالىق تەرەنس كروۋفورد جەنە رەسەيلٸك دميتريي بيۆولمەن رەۆانش ٶتكٸزۋ مٷمكٸندٸگٸن دە قاراستىرىپ وتىر. وسىلايشا, جەنٸبەك ەلٸمحانۇلى الداعى جەكپە-جەكتە جەڭٸسكە جەتٸپ, چەمپيوندىق اتاقتى يەلەنسە, «كانەلومەن» كەزدەسۋٸ مٷمكٸن.
ايتا كەتەيٸك, ەلٸمحانۇلى مەن ياكوب بانك اراسىنداعى جەكپە-جەك 2027 جىلعى 23 قاڭتاردا دانييانىڭ حورسەنس قالاسىنداعى Forum Horsens ارەناسىندا ٶتەدٸ. بۇل كەزدەسۋدە ەكٸنشٸ ورتا سالماقتاعى WBO نۇسقاسى بويىنشا بوس تۇرعان ەلەم چەمپيونى اتاعى ساراپقا سالىنادى.
بۇعان دەيٸن بريتاندىق بوكسشى حامزا شيراز بۇل چەمپيوندىق بەلبەۋدەن باس تارتقان بولاتىن.
