جەتٸسۋ وبلىسىندا تٶرتەم دٷنيەگە كەلگەن وتباسىعا ٷش بٶلمەلٸ پەتەر سىيعا تارتىلدى. سەبيلەرٸن الماتى قالاسىنداعى ۇلتتىق اكۋشەرلٸك, گينەكولوگييا جەنە پەريناتولوگييا عىلىمي ورتالىعىندا ٶمٸرگە ەكەلٸپ, تۋعان ٷيٸنە ورالعان جاس انانى بٷگٸن جەرلەستەرٸ سالتاناتپەن قارسى الىپ, جاڭا پەتەردٸڭ كٸلتٸن تاپسىردى, دەپ حابارلايدى dalanews.kz.
ٶڭٸر باسشىسىنىڭ اتىنان اتا-اناسى مەن سەبيلەردٸ وبلىس ەكٸمٸنٸڭ ورىنباسارى مارلەن كٶلباەۆ قۇتتىقتادى.
– سارىٶزەك اۋىلىندا وتباسىنا جاڭا كٶپقاباتتى تۇرعىن ٷيدٸڭ ەكٸنشٸ قاباتىنان ٷش بٶلمەلٸ پەتەر بەرٸپ وتىرمىز. پەتەردە جايلى تۇرمىسقا قاجەتتٸ بارلىق جاعداي جاسالعان. الميرا الماتى قالاسىندا بولعان كەزدە وبلىس ەكٸمٸ كٷن سايىن بالالاردىڭ جاعدايىن سۇراپ-بٸلٸپ وتىردى. بٸز ۇلتتىق اكۋشەرلٸك, گينەكولوگييا جەنە پەريناتولوگييا عىلىمي ورتالىعىنىڭ ماماندارىمەن تۇراقتى بايلانىستا بولىپ, انا مەن بالالاردىڭ جاعدايىن بٸرگە باقىلادىق. تٶرت سەبيدٸ بٸردەي كٷتٸپ-باعۋ وڭاي ەمەس. سوندىقتان الميراعا بالالاردىڭ كٷتٸمٸنە كٶمەكتەسەتٸن ارنايى كٶمەكشٸ بەرٸلەدٸ. جالپى, بٷلدٸرشٸندەردٸڭ دەنٸ ساۋ بولىپ ٶسٸپ, امان-ەسەن جەتٸلۋٸ ٷشٸن ٶز تاراپىمىزدان بارلىق قاجەتتٸ كٶمەكتٸ كٶرسەتەمٸز, – دەدٸ م. كٶلباەۆ وتباسىعا جاڭا پەتەردٸڭ كٸلتٸن تابىستاۋ كەزٸندە.
كەربۇلاق اۋدانىنىڭ تالدىبۇلاق اۋىلىندا تۇراتىن وتباسىندا تٶرتەمنەن بٶلەك ٷش بالاسى بار. ەندٸ تٶرت ۇلدىڭ دٷنيەگە كەلگەن وتباسى بٸردەن كٶپ بالالى اتاندى.
تٶرتەمنٸڭ اناسى الميرا بەكەەۆا 31 جاستا. ول ى. التىنسارين اتىنداعى ورتا مەكتەپتە پەداگوگ بولىپ جۇمىس ٸستەيدٸ. ال جۇبايى ولجاس بەكەەۆ - جٷك كٶلٸگٸنٸڭ جٷرگٸزۋشٸسٸ. ەسٸرەسە, وتباسىنا بٸردەن تٶرت ۇلدىڭ قوسىلعانىنا ەكەسٸ ەرەكشە قۋانىشتى.
جاس انانىڭ قۇرساعىندا بٸردەن تٶرت سەبيدٸڭ بٸتكەنٸن انىقتالعان بويدا پاتسيەنت الماتىداعى ۇلتتىق اكۋشەرلٸك, گينەكولوگييا جەنە پەريناتولوگييا عىلىمي ورتالىعىندا مامانداردىڭ باقىلاۋىنا الىندى. 24 قىركٷيەكتە دەرٸگەرلەر وپەراتسييالىق جولمەن بوساندىرىپ, ارلان, ارسىلان, ەليحان, ەمٸرحان ەسٸمدٸ تٶرت ۇل دٷنيە ەسٸگٸن اشتى.
– ەڭ العاش قۇرساعىمدا تٶرتەم بار ەكەنٸن ۋزي-دەن بٸلگەندە, قاتتى قۋاندىق. ەرينە, ولاردى كٶتەرٸپ جٷرۋ وڭاي بولعان جوق. بالالار ٷشٸن ٸشتەي قورقىنىش تا, ۋايىم دا بولدى. كەسار تٸلٸگٸ ارقىلى وتىز اپتا التى كٷن دەگەندە ۇلدارىمىز دٷنيەگە كەلدٸ. وتانى عىلىمي ورتالىقتىڭ ديرەكتورى جاسادى. بالالار شالا تۋعاندىقتان, العاشقى سەتتەن باستاپ دەرٸگەرلەردٸڭ قاراۋىندا بولدى. قازٸر جاقسى سالماق جيناپ, بارلىق قيىندىقتاردى ارتقا تاستاپ, ٷيگە ورالدىق, – دەيدٸ جاس انا.
تٶرتەمنٸڭ اتاسى دا قۋانىشىن جاسىرعان جوق:
- بۇل – بٸزگە قۇدايدىڭ بەرگەن ٷلكەن سىيى. تٶرتەمنٸڭ ٶمٸرگە كەلگەنٸنە بٸزدٸڭ وتباسىمىز عانا ەمەس, بٷكٸل جەتٸسۋ قۋانىپ جاتىر. ٶزٸم اتاسى رەتٸندە كەرەمەت سەزٸمدە تۇرمىن. الماتىدان كەلٸنٸم مەن نەمەرەلەرٸمدٸ قۇرمەتپەن شىعارىپ سالىپ, اۋىلىمىز دا سالتاناتپەن قارسى الىپ جاتىر. بٸزبەن بٸرگە قۋانعان بارشا جۇرتشىلىققا راحمەت ايتامىن, - دەدٸ قايرات بەكەەۆ.
