قوستانايدا اتا-اناسىنىڭ قامقورلىعىنسىز قالعان ازامات مەكتەپ-ينتەرناتتىڭ سالدارىنان تۇرعىن ٷي كەزەگٸنە ۋاقىتىندا تٸركەلمەگەنٸن ايتىپ, «وتباسى بانكپەن» سوتتاستى. تاراپتار مەدياتسييالىق كەلٸسٸمگە كەلٸپ, ازاماتتىڭ كەزەككە قويىلعان كٷنٸ 2020 جىلدان 2009 جىلعا اۋىستىرىلدى, دەپ حابارلايدى dalanews.kz.
قوستاناي وبلىسىنىڭ مامانداندىرىلعان اۋدانارالىق ەكٸمشٸلٸك سوتىنىڭ مەلٸمەتٸنشە, تالاپ قويۋشى 2007 جىلدان باستاپ اتا-اناسىنىڭ قامقورلىعىنسىز قالعان بالالار ساناتىنا جاتادى. ول مەكتەپ-ينتەرناتتا تەربيەلەنگەن.
تالاپ قويۋشىنىڭ ايتۋىنشا, قولدانىستاعى زاڭناماعا سەيكەس, ٶزٸ تەربيەلەنگەن بٸلٸم بەرۋ ۇيىمى ونى 2009 جىلى تۇرعىن ٷيگە مۇقتاج ازامات رەتٸندە ەسەپكە قويۋى كەرەك بولعان. الايدا ينتەرنات بۇل مٸندەتتٸ ورىنداماعان.
سالدارىنان ازامات 2020 جىلى تۇرعىن ٷيگە مۇقتاجدار ەسەبٸنە ٶز بەتٸنشە تٸركەلۋگە مەجبٷر بولعان. كەيٸن ول «وتباسى بانكتٸڭ» تۇرعىن ٷي قۇرىلىس جيناق بانكٸنە قاتىستى قۇقىقتىق ميراسقورى رەتٸندە ەرەكەت ەتەتٸن ۇيىمعا جٷگٸنٸپ, مەملەكەتتٸك تۇرعىن ٷي قورىنان باسپانا الۋ كەزەگٸندەگٸ تٸركەلگەن كٷنٸن ٶزگەرتۋدٸ تالاپ ەتكەن.
سوتقا جٷگٸنگەن ازامات كەزەككە قويىلعان كٷندٸ 2020 جىلدان 2009 جىلعا اۋىستىرۋدى سۇرادى. تاراپتار كەلٸسسٶزدەر نەتيجەسٸندە ورتاق شەشٸمگە كەلٸپ, مەدياتسييالىق كەلٸسٸم جاساستى.
كەلٸسٸم بويىنشا جاۋاپكەر تالاپ قويۋشىنىڭ مەملەكەتتٸك تۇرعىن ٷي قورىنان باسپانا الۋ كەزەگٸندەگٸ تٸركەلگەن كٷنٸن 2020 جىلدان 2009 جىلعا ٶزگەرتۋگە مٸندەتتەندٸ. سوت مەدياتسييالىق كەلٸسٸمدٸ بەكٸتٸپ, تاراپتار قول جەتكٸزگەن ۋاعدالاستىق تولىق ورىندالعانىن حابارلادى.
