تارازدا قىزمەتتٸك كٶلٸكتٸڭ تەرەزەسٸنەن تٷكٸرگەن پوليتسەيگە قاتىستى ەكٸمشٸلٸك ٸس توقتاتىلدى. سوت وتىرىسىندا ول تٷكٸرگەنٸن مويىنداعانىمەن, بەينەجازبادا تٷكٸرٸك قاي جەرگە تٷسكەنٸ كٶرٸنبەگەندٸكتەن, كٸنەسٸ دەلەلدەنبەگەن دەپ تانىلدى, دەپ حابارلايدى dalanews.kz fbrk.kz-كە سٸلتەپ.
وقيعا قالاي بولعان?
Hronika.kz مەلٸمەتٸنشە, 2026 جىلعى 2 قاراشادا ساعات 15:30 شاماسىندا تارازداعى كەنەسارى حان كٶشەسٸندە پاترۋلدٸك پوليتسييا ينسپەكتورى قىزمەتتٸك كٶلٸكتەن تٷكٸرگەن.
بۇل وقيعانى Instagram جەلٸسٸندە 318 مىڭنان اسا وقىرمانى بار بلوگەر ايان ساۋرانباەۆ ۆيدەوعا تٷسٸرٸپ العان. جازبا جارييالانعان سوڭ جامبىل وبلىسىنىڭ پوليتسييا دەپارتامەنتٸ قىزمەتتٸك تەكسەرٸس جٷرگٸزٸپ, پوليتسەيگە ەكٸمشٸلٸك قۇقىقبۇزۋشىلىق تۋرالى كودەكستٸڭ 434-بابى ("ۇساق بۇزاقىلىق") بويىنشا حاتتاما تولتىرعان.
سوت نەگە ٸستٸ توقتاتتى?
4 قاراشادا تاراز قالاسىنىڭ مامانداندىرىلعان ەكٸمشٸلٸك قۇقىقبۇزۋشىلىقتار جٶنٸندەگٸ سوتى 38 جاستاعى اعا لەيتەنانت ەرلان ايتجانوۆقا قاتىستى ٸستٸ توقتاتقان.
پوليتسەي تٷكٸرگەنٸن مويىنداپ, تاماعى اۋىرىپ, قاتتى جٶتەلگەن سوڭ سولاي ٸستەگەنٸن جەتكٸزگەن. سوت بەينەجازبادان ونىڭ كٶلٸكتەن تٷكٸرگەنٸن كٶرگەنٸمەن, تٷكٸرٸك جەرگە تٷسكەن سەتٸ كادرعا تٷسپەگەنٸن انىقتاعان. وسىعان بايلانىستى سوت پوليتسەيدٸڭ قوعامدىق جەردٸ لاستاعانى دەلەلدەنبەگەن دەگەن شەشٸمگە كەلگەن.
ۆيدەو اۆتورى ايان ساۋرانباەۆ سوت شەشٸمٸمەن كەلٸسپەي, پروكۋراتۋراعا شاعىم تٷسٸردٸ.
