Aqtóbeniń Altyn Orda shaǵynaýdanyndaǵy bes qabatty turǵyn úidiń birinshi qabatynda ornalasqan dámhanada jarylys boldy. Oqiǵa saldarynan eki adam zardap shekti, dep habarlaidy dalanews.kz.
Qalalyq Tótenshe jaǵdailar departamenti málimetinshe, jarylys 13 qarashada saǵat 10:28-de Táýelsizdik dańǵyly boiyndaǵy dámhanada bolǵan. Gaz ben aýa qospasy tutanǵan.
Jarylystan ǵimaratqa japsarlas salynǵan qurylys bóligi opyrylyp, keiin órt shyqqan. Sondai-aq, turǵyn úidiń terezeleri zaqymdanǵan. Órt saǵat 10:53-te tolyq sóndirildi.
Qutqarýshylardyń málimetinshe, zardap shekken eki adam jedel járdemmen aýrýhanaǵa jetkizilgen. Qazir mamandar oqiǵanyń sebepteri men mán-jaiyn anyqtap jatyr.
