Qazaqstan tarihyndaǵy alǵashqy aýqymdy respýblikalyq kitap oqý marafony «Kitap oqityn ult» million kitap belesinen asty. 59 kúnde qatysýshylar 1 102 560 kitap oqyp, 1 102 560 pikirjazdy. Bul — kún saiyn orta eseppen 18 myńnan astam kitap, al árqaisysynyń artynda oqyrmannyń óz pikiri tur, dep habarlaidy dalanews.kz.
Qatysýshylar kitap oqyp qana qoimai, áserimen de bólisedi. Olar áleýmettik jelilerde 64 177 beinepikir jariialady, al kitap týraly áńgimeler olardyń dostaryna, áriptesterine jáne jazylýshylaryna jetip jatyr. Qatysýshylar jalpy 260 mln upai jinady.
Marafon ártúrli jastaǵy, sanalýan mamandyqielerin biriktirdi. Olar: oqýshylar men stýdentter, pedagogter men memlekettik qyzmetshiler, intellektýaldar men tutas otbasylar. Buryn kitap oqý árkimniń jeke isi sanalsa, qazir búkil eldiń ortaq isine ainalyp otyr.
Marafon aiasynda 15 kitap oqý kezeńi 2027 jylǵy 9 naýryzǵa deiin jalǵasady, alda áli 117 kún bar. Oqý kezeńinen keiin qatysýshylardy testiler men ziiatkerlik kvizder kútip tur. Synaqtardyń qorytyndysy boiynsha respýblikalyq deńgeide Jyldyń 10 oqyrmanyanyqtalady.
Marafonnyń kitapqa degen kózqarasty qalai ózgertip jatqanyn Abai oblysynyń mysalynan anyq kórýge bolady. Munda qatysýshylar 37 504 kitap oqyp, 9,46 mln upai jinady. Eń belsendiler — oqýshylar, pedagogtar jáne memlekettik qyzmetshiler. Semei qalasy, Úrjar jáne Aiagóz aýdandary kósh bastap tur.
«Abai atamyz bilim men kitapty adamdy tárbieleitin eń úlken kúsh dep bildi. Búgin uly aqynnyń sózi jańǵyryp turǵanyn kórip otyrmyz: kitapty oqýshy da, ustaz da, memlekettik qyzmetshi de qolǵa aldy. Kitaphanalarǵa kelýshilerdiń artýy — marafonnyń jai ǵana kórsetkishi emes, adamdar sanasyndaǵy ózgeristiń belgisi. Kitap oqityn ult — bolashaǵyn ózi jazatyn ult», — dedi marafonnyń Abai oblysy boiynsha jobalyq ofisiniń jetekshisi, Qazaqstan Halyq Keńesiniń múshesi Merei Qart.
