Jetisý ýniversitetinde bilim alyp jatqan sheteldik stýdentter ýniversitet rektory Ermek Ábiltaiulymen tańǵy as kezinde kezdesti. Erkin pikir almasýǵa arnalǵan jyly júzdesý sheteldik bilim alýshylardyń ýniversitet ómirine beiimdelýine, ózderin erkin sezinýine jáne stýdentter arasynda ózara qurmet pen túsinistikti qalyptastyrýǵa negizdeldi, dep habarlaidy dalanews.kz.
Kezdesý barysynda ýniversitet rektory bilim alýshylarǵa oqý ordasyndaǵy bilim berý jáne tárbie úderisi, bilim men ǵylymdy damytý baǵytyndaǵy halyqaralyq yntymaqtastyq, sheteldik joǵary oqý oryndarymen bailanys jáne akademiialyq múmkindikter týraly keńinen áńgimeledi. Sonymen qatar stýdentterdi qazaq halqynyń ulttyq qundylyqtary, salt-dástúri men mádenieti, qonaqjailyq bolmysymen tanystyrdy.
«Bilim men ǵylymda shekara bolmaýy kerek. Halyqaralyq yntymaqtastyqty keńeitý arqyly biz Jetisý ýniversitetine sheteldik oqytýshylar men stýdentterdi tartýǵa, bilim jáne ǵylym salasyndaǵy tájiribe almasýdy damytýǵa basymdyq berip kelemiz. Sonyń nátijesinde jańa oqý jylynda stýdentter qatary sheteldik jastarmen tolyqty. Qazaqstanda bilim alýǵa niet bildirip, Jetisý ýniversitetin tańdap, bizge senim artqandaryńyz úshin alǵysymdy bildiremin. Árqaisyńyz tańdaǵan salalaryńyz boiynsha bilim berý baǵdarlamasyn jaqsy meńgerip, Jetisý jerine tez beiimdelip ketýlerińizge tilektespin, – dedi Ermek Ábiltaiuly.
Sheteldik stýdentter de kezdesýdiń ashyq ári dostyq sipatta ótkenine rizashylyqtaryn bildirip, Taldyqorǵan qalasy men ýniversitettiń ózderine unaǵanyn jetkizdi. Sondai-aq Qazaqstanda shetel azamattarynyń bilim alýyna múmkindik jasap otyrǵan memlekettik saiasatqa jáne stýdentterge qolaily jaǵdai qalyptastyrǵan ýniversitet basshylyǵy men qyzmetkerlerine alǵystaryn aitty.
Pedagogika jáne psihologiia bilim berý baǵdarlamasy boiynsha magistratýrada oqyp jatqan Tanzaniia azamaty Joseph John Kilihindi ýniversitetti tańdaýǵa qatysty óz áserin jetkizdi.
«Men Jetisý ýniversitetine kelip oqýdy 2023 jyldan beri josparlap júrdim. Memleketaralyq qujattardy rásimdeý, árine, ońai emes, bul kóp ýaqyt pen kúshti talap etedi. Soǵan qaramastan, barlyq qiyndyqty eńserip, biyl Jetisý ýniversitetiniń magistratýrasynda oqý baqytyna ie boldym. Qujattardy rásimdeý barysynda qoldaý kórsetip, kómektesken ýniversitet qyzmetkerlerine shynaiy alǵysymdy bildiremin. Munda bilim alýǵa barlyq jaǵdai jasalǵanyna qýanyshtymyn», – dedi ol.
Aita keteiik, biylǵy oqý jylynda Jetisý ýniversitetinde Tanzaniia, Iemen, Indoneziia jáne Palestina elderinen kelgen tórt sheteldik stýdent bilim alýda.
