Burynǵy Senat tóraǵasy Máýlen Áshimbaev birneshe aidan keiin kópshilik aldyna shyǵyp, qazirgi qyzmeti týraly suraqtarǵa jaýap berdi. Ol aldaǵy ýaqytta da elge qyzmet etýdi jalǵastyratynyn málimdedi, dep habarlaidy dalanews.kz.
Máýlen Áshimbaevty QogamNews jýrnalisteri Astanadaǵy Sham teatrynda kezdestirgen. Burynǵy Senat spikeri teatr qoiylymyn tamashalap, spektakl aiaqtalǵannan keiin akterlermen júzdesken.
Kezdesý barysynda ol óner ujymynyń shyǵarmashylyǵyna sáttilik tilep, akterlermen áńgimelesken. Osy sátti paidalanǵan jýrnalister Máýlen Áshimbaevtan qazirgi ýaqytta qandai jumyspen ainalysyp júrgenin surady.
"Men endi halyqtyń ishindemin. Ózderińiz kórip jatyrsyzdar, kúnde sharalarǵa qatysyp jatyrmyz. Shetelge de baryp, sol jaqta sharalar ótkizip jatyrmyz. Ári qarai da elimizge, halqymyzǵa qyzmet etemiz dep senemin", – dedi Máýlen Áshimbaev.
Degenmen burynǵy Senat tóraǵasy qazirgi ýaqytta naqty qandai qyzmet atqaratynyn ashyp aitpaǵan.
Aita keteiik, Máýlen Áshimbaev 2020 jyldan 2026 jylǵa deiin Qazaqstan Respýblikasy Parlamenti Senatynyń tóraǵasy qyzmetin atqardy.
