بۇرىنعى سەنات تٶراعاسى مەۋلەن ەشٸمباەۆ بٸرنەشە ايدان كەيٸن كٶپشٸلٸك الدىنا شىعىپ, قازٸرگٸ قىزمەتٸ تۋرالى سۇراقتارعا جاۋاپ بەردٸ. ول الداعى ۋاقىتتا دا ەلگە قىزمەت ەتۋدٸ جالعاستىراتىنىن مەلٸمدەدٸ, دەپ حابارلايدى dalanews.kz.
مەۋلەن ەشٸمباەۆتى QogamNews جۋرناليستەرٸ استاناداعى Sham تەاترىندا كەزدەستٸرگەن. بۇرىنعى سەنات سپيكەرٸ تەاتر قويىلىمىن تاماشالاپ, سپەكتاكل اياقتالعاننان كەيٸن اكتەرلەرمەن جٷزدەسكەن.
كەزدەسۋ بارىسىندا ول ٶنەر ۇجىمىنىڭ شىعارماشىلىعىنا سەتتٸلٸك تٸلەپ, اكتەرلەرمەن ەڭگٸمەلەسكەن. وسى سەتتٸ پايدالانعان جۋرناليستەر مەۋلەن ەشٸمباەۆتان قازٸرگٸ ۋاقىتتا قانداي جۇمىسپەن اينالىسىپ جٷرگەنٸن سۇرادى.
"مەن ەندٸ حالىقتىڭ ٸشٸندەمٸن. ٶزدەرٸڭٸز كٶرٸپ جاتىرسىزدار, كٷندە شارالارعا قاتىسىپ جاتىرمىز. شەتەلگە دە بارىپ, سول جاقتا شارالار ٶتكٸزٸپ جاتىرمىز. ەرٸ قاراي دا ەلٸمٸزگە, حالقىمىزعا قىزمەت ەتەمٸز دەپ سەنەمٸن", – دەدٸ مەۋلەن ەشٸمباەۆ.
دەگەنمەن بۇرىنعى سەنات تٶراعاسى قازٸرگٸ ۋاقىتتا ناقتى قانداي قىزمەت اتقاراتىنىن اشىپ ايتپاعان.
ايتا كەتەيٸك, مەۋلەن ەشٸمباەۆ 2020 جىلدان 2026 جىلعا دەيٸن قازاقستان رەسپۋبليكاسى پارلامەنتٸ سەناتىنىڭ تٶراعاسى قىزمەتٸن اتقاردى.
