اباي وبلىسىندا ٷش جىلدان استام ۋاقىت بۇرىن جاسالعان كٸسٸ ٶلتٸرۋ قىلمىسى اشىلدى. كٷدٸكتٸ مارقۇمنىڭ مەيٸتٸ جاسىرىلعان جەردٸ كٶرسەتتٸ. بۇل تۋرالى ٸشكٸ ٸستەر مينيسترلٸگٸ مەلٸمدەدٸ, دەپ حابارلايدى dalanews.kz.
پوليتسيياعا 2023 جىلدىڭ قىركٷيەگٸندە ەيەل ادام حابارلاسىپ, جۇمىس ٸستەۋ ٷشٸن باسقا جاققا كەتكەن كٷيەۋٸنٸڭ حابار-وشارسىز جوعالعانىن ايتىپ, ٸزدەستٸرۋگە كٶمەكتەسۋدٸ سۇراعان. سول كەزدە جٷرگٸزٸلگەن جەدەل-ٸزدەستٸرۋ شارالارى نەتيجە بەرمەگەنٸمەن, پوليتسەيلەر ەر ادامنىڭ جوعالۋىنا قاتىستى تەكسەرۋدٸ توقتاتپاعان.
تەرگەۋ بارىسىندا كٷدٸككە باسقا قىلمىس بويىنشا سوتتالىپ, جازاسىن باس بوستاندىعىنان ايىرۋ ورنىندا ٶتەپ جاتقان ازامات ٸلٸككەن. ونىڭ جوعالعان ەر ادامنىڭ ٶلٸمٸنە قاتىسى بار-جوعىن انىقتاۋ ٷشٸن قوسىمشا جەدەل شارالار جٷرگٸزٸلگەن.
نەتيجەسٸندە كٷدٸكتٸ كٸسٸ ٶلتٸرگەنٸن مويىنداپ, وقيعانىڭ مەن-جايىن بايانداعان. سونداي-اق مەيٸت جاسىرىلعان جەردٸ كٶرسەتكەن.
"قازٸرگٸ ۋاقىتتا قىلمىستىق ٸس ايىپتاۋ اكتٸسٸمەن بٸرگە سوتقا جولداندى", - دەپ حابارلادى ٸٸم.
