Abai oblysynda úsh jyldan astam ýaqyt buryn jasalǵan kisi óltirý qylmysy ashyldy. Kúdikti marqumnyń máiiti jasyrylǵan jerdi kórsetti. Bul týraly Ishki ister ministrligi málimdedi, dep habarlaidy dalanews.kz.
Politsiiaǵa 2023 jyldyń qyrkúieginde áiel adam habarlasyp, jumys isteý úshin basqa jaqqa ketken kúieýiniń habar-osharsyz joǵalǵanyn aityp, izdestirýge kómektesýdi suraǵan. Sol kezde júrgizilgen jedel-izdestirý sharalary nátije bermegenimen, politseiler er adamnyń joǵalýyna qatysty tekserýdi toqtatpaǵan.
Tergeý barysynda kúdikke basqa qylmys boiynsha sottalyp, jazasyn bas bostandyǵynan aiyrý ornynda ótep jatqan azamat ilikken. Onyń joǵalǵan er adamnyń ólimine qatysy bar-joǵyn anyqtaý úshin qosymsha jedel sharalar júrgizilgen.
Nátijesinde kúdikti kisi óltirgenin moiyndap, oqiǵanyń mán-jaiyn baiandaǵan. Sondai-aq máiit jasyrylǵan jerdi kórsetken.
"Qazirgi ýaqytta qylmystyq is aiyptaý aktisimen birge sotqa joldandy", - dep habarlady IIM.
