2026 جىلدىڭ العاشقى توعىز ايىندا قازاقستاندا قانت ديابەتٸنٸڭ 32 342 جاعدايى انىقتالدى. سكرينينگتٸك تەكسەرۋدەن 1,6 ميلليوننان استام ازامات ٶتكەن. انىقتالعان ناۋقاستاردىڭ شامامەن 95 پايىزى تۇراقتى مەديتسينالىق باقىلاۋعا الىنعان, دەپ حابارلايدى dalanews.kz.
دەنساۋلىق ساقتاۋ سالاسىنىڭ مەلٸمەتٸنشە, 2026 جىلعى 1 قازانداعى جاعداي بويىنشا ەلٸمٸزدە قانت ديابەتٸمەن اۋىراتىن 575 مىڭنان استام ادام تٸركەلگەن. ونىڭ ٸشٸندە 30 987 ادامدا اۋرۋدىڭ بٸرٸنشٸ تيپٸ انىقتالعان.
14 قاراشا – دٷنيەجٷزٸلٸك ديابەتپەن كٷرەس كٷنٸ. دٷنيەجٷزٸلٸك دەنساۋلىق ساقتاۋ ۇيىمىنىڭ دەرەگٸنشە, بٷگٸندە ەلەمدە 800 ميلليوننان استام ەرەسەك ادام وسى اۋرۋمەن ٶمٸر سٷرەدٸ.
قازاقستاندا ديابەتتٸ ەرتە انىقتاۋ ماقساتىندا 40 پەن 76 جاس ارالىعىنداعى ازاماتتارعا ارنالعان تەگٸن پروفيلاكتيكالىق سكرينينگ كەڭەيتٸلگەن. تەكسەرۋ ەكٸ جىلدا بٸر رەت جٷرگٸزٸلٸپ, قانداعى گليكيرلەنگەن گەموگلوبين مەن ليپيدتەر دەڭگەيٸن انىقتاۋدى قامتيدى.
سونىمەن قاتار ەلٸمٸزدە ەندوكرينولوگييا جەنە ديابەت بويىنشا قۇزىرەت ورتالىقتارى اشىلىپ, ولاردىڭ فيليالدارى الماتى, قاراعاندى, قىزىلوردا, سولتٷستٸك قازاقستان, تٷركٸستان جەنە اقتٶبە وبلىستارىندا جۇمىس ٸستەيدٸ. 2027 جىلدىڭ سوڭىنا دەيٸن مۇنداي ورتالىقتاردى بارلىق ٶڭٸردە اشۋ جوسپارلانىپ وتىر.
قانت ديابەتٸمەن اۋىراتىن ازاماتتار مەملەكەت ەسەبٸنەن ينسۋلين, قانت دەڭگەيٸن تٶمەندەتەتٸن پرەپاراتتار جەنە گليۋكوزانى باقىلاۋعا ارنالعان مەديتسينالىق قۇرالدارمەن قامتاماسىز ەتٸلەدٸ. 2026 جىلى مەمس قاراجاتى ەسەبٸنەن وسى ماقساتقا 60,46 ميلليارد تەڭگە بٶلٸنگەن.
