سولتٷستٸك قازاقستان وبلىسىندا تابيعي رەسۋرستار جەنە تابيعات پايدالانۋدى رەتتەۋ باسقارماسىنىڭ بۇرىنعى باسشىسى ەربولات بەكشەنوۆ پەن التى ورمان شارۋاشىلىعىنىڭ ديرەكتورى سىبايلاس جەمقورلىققا قاتىستى ٸس بويىنشا سوت الدىندا جاۋاپ بەرٸپ جاتىر, دەپ حابارلايدى dalanews.kz "Kazinform"-عا سٸلتەمە جاساپ.
بەكشەنوۆكە قىزمەتتٸك ٶكٸلەتتٸگٸن پايدالانىپ الاياقتىق جاسادى جەنە پارا بەرۋگە يتەرمەلەدٸ دەگەن ايىپ تاعىلعان. ال ورمان شارۋاشىلىقتارىنىڭ بٸرٸنٸڭ ديرەكتورىنا پارا بەرۋگە كٶمەكتەستٸ دەگەن كٷدٸك كەلتٸرٸلسە, قالعاندارى پارا بەرۋگە وقتالدى دەپ ايىپتالىپ وتىر.
ٸس ماتەريالدارىنا سەيكەس, وقيعا 2025 جىلى مامانداندىرىلعان تابيعات قورعاۋ پروكۋراتۋراسى جٷرگٸزگەن تەكسەرٸستەن كەيٸن باستالعان. سول كەزدە ٶڭٸردەگٸ بەس ورمان شارۋاشىلىعىندا ەڭبەك زاڭناماسىنىڭ بۇزىلعانى انىقتالعان. اتاپ ايتقاندا, كەيبٸر قىزمەتكەرلەرگە جۇمىسقا كەلمەگەن كٷندەرٸ ٷشٸن جالاقى ەسەپتەلگەن. زاڭسىز تٶلەنگەن قاراجات بيۋدجەتكە قايتارىلىپ, 19 لاۋازىمدى تۇلعا تەرتٸپتٸك جاۋاپكەرشٸلٸككە تارتىلعان.
تەرگەۋ نۇسقاسى بويىنشا, وسىدان كەيٸن سول كەزدەگٸ باسقارما باسشىسى ەربولات بەكشەنوۆ ورمان شارۋاشىلىقتارىنىڭ ديرەكتورلارىنا مەسەلە قايتا قارالىپ, قىزمەتتەرٸنەن ايىرىلۋى مٷمكٸن ەكەنٸن ايتىپ, ەرقايسىسىنان 100 مىڭ تەڭگەدەن جيناۋدى ۇيىمداستىرعان. جينالعان اقشانى بٸر ديرەكتوردىڭ باسقا باسشىلاردان الىپ, وعان جەتكٸزۋٸ تيٸس بولعان.
تٶرت ديرەكتور اقشانى 1 ناۋرىزدا بەرگەن. تاعى بٸرەۋٸ بەكشەنوۆپەن سٶيلەسكەننەن كەيٸن قاراجات تاپسىرعان. الايدا كەيٸن باسقارما باسشىسىنىڭ ورىنباسارى ۇقك-نٸڭ سولتٷستٸك قازاقستان وبلىسى بويىنشا دەپارتامەنتٸنە جٷگٸنٸپ, جينالعان 500 مىڭ تەڭگەنٸ ٶز ەركٸمەن تاپسىرعان.
سوت وتىرىسىندا بەكشەنوۆ پەن بەس ورمان شارۋاشىلىعىنىڭ باسشىسى كٸنەسٸن مويىنداعان. كەيبٸر سوتتالۋشىلار پروكۋرورمەن پروتسەستٸك كەلٸسٸم جاساسۋعا نيەتتٸ ەكەنٸن جەتكٸزگەن. ال تاعى بٸر ديرەكتور تاعىلعان ايىپتى مويىنداماي, قورعاۋشىلارى ونىڭ باسشىلىق تاراپىنان قىسىم كٶرگەنٸن العا تارتقان. ادۆوكاتتار وعان قاتىستى قىلمىستىق قۋدالاۋدى توقتاتۋدى سۇرادى.
قازٸرگٸ ۋاقىتتا سوت پروتسەسٸ جالعاسىپ جاتىر.
