Temirtaýda jolaýshylar avtobýsy aǵashqa soǵyldy. Aldyn ala málimet boiynsha, qozǵalys kezinde júrgizýshiniń jaǵdaiy kúrt nasharlap, ol esinen tanyp qalǵan. Er adam oqiǵa ornynda kóz jumdy, dep habarlaidy dalanews.kz.
Qaraǵandy oblysy Politsiia departamentiniń málimetinshe, jol-kólik oqiǵasy 14 qarasha kúni saǵat 10:30 shamasynda bolǵan. Yutong markaly avtobýs baǵyt boiynsha júrip kele jatqan. Rólde 64 jastaǵy júrgizýshi bolǵan.
Aldyn ala boljamǵa sáikes, júrgizýshi esinen tanyp qalǵannan keiin avtobýs basqarýsyz qozǵalyp, aǵashqa soǵylǵan.
Oqiǵa kezinde avtobýsta shamamen 15 jolaýshy bolǵan. Olardyń eshqaisysy zardap shekken joq.
Júrgizýshi oqiǵa ornynda qaitys boldy. Atalǵan derek politsiiada tirkelip, qazirgi ýaqytta oqiǵanyń barlyq mán-jaiy anyqtalyp jatyr.
