قىتاي قازاقستاننىڭ باستى ەكسپورتتىق سەرٸكتەسٸنە اينالدى

قىتاي قازاقستاننىڭ باستى ەكسپورتتىق سەرٸكتەسٸنە اينالدى
اشىق دەرەككٶز.

2026 جىلدىڭ قاڭتار-قىركٷيەك ايلارىندا قىتاي قازاقستان ٶنٸمدەرٸن ەكسپورتتايتىن نەگٸزگٸ سەرٸكتەس ەلدەردٸڭ اراسىندا بٸرٸنشٸ ورىنعا شىقتى. ونىڭ وتاندىق ەكسپورتتاعى ٷلەسٸ 17,9%-عا جەتٸپ, يتالييانىڭ كٶرسەتكٸشٸنەن اسىپ تٷستٸ. بۇل تۋرالى سىرتقى ساۋدا ستاتيستيكاسىندا ايتىلعان, دەپ حابارلايدى dalanews.kz.

ەسەپتٸ كەزەڭدە قازاقستاننىڭ سىرتقى ساۋدا اينالىمى 116,8 ملرد دوللاردى قۇرادى. بۇل ٶتكەن جىلدىڭ سەيكەس كەزەڭٸمەن سالىستىرعاندا نومينالدى مەندە 11,8%-عا جوعارى.

توعىز ايدىڭ قورىتىندىسى بويىنشا ەكسپورت كٶلەمٸ 68,45 ملرد دوللارعا جەتٸپ, بٸر جىلدا 18,1%-عا ٶسكەن. ال يمپورت 4%-عا ارتىپ, 48,36 ملرد دوللاردى قۇرادى.

وسىلايشا, قازاقستاننىڭ ساۋدا بالانسىنىڭ وڭ سالدوسى 20,1 ملرد دوللار بولدى.

ەكسپورتتىق سەرٸكتەستەر اراسىندا قىتايدىڭ ٷلەسٸ بٸر ايدا 17,6%-دان 17,9%-عا دەيٸن ٶسكەن. ال يتالييانىڭ ٷلەسٸ 18%-دان 17,6%-عا تٶمەندەگەن. نەتيجەسٸندە قىتاي قازاقستان ٶنٸمدەرٸن ەكسپورتتايتىن ەلدەر اراسىندا بٸرٸنشٸ ورىنعا شىقتى.

ايتا كەتەيٸك, قازاقستاننىڭ سىرتقى ساۋدا اينالىمىنىڭ ٶسۋٸ ەكسپورت كٶلەمٸنٸڭ يمپورتقا قاراعاندا جىلدامىراق ۇلعايۋىمەن قاتار جٷرٸپ وتىر.