Qytai Qazaqstannyń basty eksporttyq seriktesine ainaldy

Qytai Qazaqstannyń basty eksporttyq seriktesine ainaldy
Ashyq derekkóz.

2026 jyldyń qańtar-qyrkúiek ailarynda Qytai Qazaqstan ónimderin eksporttaityn negizgi seriktes elderdiń arasynda birinshi orynǵa shyqty. Onyń otandyq eksporttaǵy úlesi 17,9%-ǵa jetip, Italiianyń kórsetkishinen asyp tústi. Bul týraly syrtqy saýda statistikasynda aitylǵan, dep habarlaidy dalanews.kz.

Esepti kezeńde Qazaqstannyń syrtqy saýda ainalymy 116,8 mlrd dollardy qurady. Bul ótken jyldyń sáikes kezeńimen salystyrǵanda nominaldy mánde 11,8%-ǵa joǵary.

Toǵyz aidyń qorytyndysy boiynsha eksport kólemi 68,45 mlrd dollarǵa jetip, bir jylda 18,1%-ǵa ósken. Al import 4%-ǵa artyp, 48,36 mlrd dollardy qurady.

Osylaisha, Qazaqstannyń saýda balansynyń oń saldosy 20,1 mlrd dollar boldy.

Eksporttyq seriktester arasynda Qytaidyń úlesi bir aida 17,6%-dan 17,9%-ǵa deiin ósken. Al Italiianyń úlesi 18%-dan 17,6%-ǵa tómendegen. Nátijesinde Qytai Qazaqstan ónimderin eksporttaityn elder arasynda birinshi orynǵa shyqty.

Aita keteiik, Qazaqstannyń syrtqy saýda ainalymynyń ósýi eksport kóleminiń importqa qaraǵanda jyldamyraq ulǵaiýymen qatar júrip otyr.