Stýdentterdiń óliminen keiin ál-Farabi atyndaǵy QazUÝ tekseriledi

Stýdentterdiń óliminen keiin ál-Farabi atyndaǵy QazUÝ tekseriledi
ashyq derekkóz

Ǵylym jáne joǵary bilim ministrligi bir ai ishinde eki birinshi kýrs stýdenti qaza tapqannan keiin ál-Farabi atyndaǵy Qazaq ulttyq ýniversitetinde keshendi tekseris júrgizedi. Arnaiy top oqý ornyndaǵy qaýipsizdik talaptary saqtalýyn, stýdenttermen júrgiziletin tárbie jumystaryn jáne psihologiialyq jumysty baǵalaidy, dep habarlaidy dalanews.kz Tengrinews.kz-ke siltep.

Ǵylym jáne joǵary bilim ministrligi ál-Farabi atyndaǵy Qazaq ulttyq ýniversitetine arnaiy monitoring tobyn jiberedi.

Ministrlik málimetinshe, tekseris kezinde janjaldardy anyqtaý jáne olardyń aldyn alý tetikterine, stýdentterdiń ótinishterine ýaqtyly jaýap berýge jáne psihologiialyq kómek kórsetýge erekshe nazar aýdarylady.

Budan bólek, ministrlik Almaty qalasynyń Jastar saiasaty basqarmasymen birlesip, jumys tobyn qurdy. Onyń quramyna prokýratýra, politsiia, Balalardyń quqyqtaryn qorǵaý basqarmasynyń ókilderi, psihologtar men qoǵam belsendileri kirdi.

Jumys toby Almatydaǵy stýdentter jataqhanalaryn aralap, jastarmen kezdesedi jáne profilaktikalyq jumystar júrgizedi.

Eske salaiyq, buǵan deiin stýdenttiń óliminen keiin QazUÝ prorektory men fakýltet dekany qyzmetinen bosatyldy.