Almatyda tas qulaý qaýpine bailanysty Alma-Arasan kóshesi bir aiǵa jabylady

Almatyda tas qulaý qaýpine bailanysty Alma-Arasan kóshesi bir aiǵa jabylady
Ashyq derekkóz

Almatyda 23 qarashadan bastap Alma-Arasan kóshesiniń ekologiialyq beketten «Nurbota» dúkenine deiingi bóligi bir aiǵa jabylady. Bul ýchaskede tas qulaý qaýpiniń aldyn alý jumystary júrgiziledi, dep habarlaidy dalanews.kz.

Ákimdiktiń málimetinshe, atalǵan aýmaqta taý jynystarynyń opyrylýy jáne diametri 2,5 metrge deiin jetetin iri tastardyń qulaýy tirkelgen. Bul jaǵdai kólik júrgizýshileri men turǵyndarǵa, sondai-aq jaqyn mańdaǵy injenerlik jelilerge qaýip tóndiredi.

Qaýiptiń aldyn alý úshin mamandar iri tastardy baqylanatyn tásilmen tómen túsirip, aýmaqtan shyǵarady. Sonymen qatar taý betkeiin nyǵaitý jumystary júrgiziledi.

Jumystardy qaýipsiz atqarý úshin jol ýchaskesi ýaqytsha jabylady. Jumys kestesin josparlaý kezinde turǵyndar men júrgizýshilerge keletin qolaisyzdyqty azaitý kózdelgen. Múmkindiginshe, demalys kúnderi kólik qozǵalysyna qosymsha salmaq túsirmeitindei etip uiymdastyrylady.

Turǵyndar men júrgizýshilerge qozǵalys baǵytyn aldyn ala josparlaý usynylady.