الماتىدا تاس قۇلاۋ قاۋپٸنە بايلانىستى الما-اراسان كٶشەسٸ بٸر ايعا جابىلادى

الماتىدا تاس قۇلاۋ قاۋپٸنە بايلانىستى الما-اراسان كٶشەسٸ بٸر ايعا جابىلادى
اشىق دەرەككٶز

الماتىدا 23 قاراشادان باستاپ الما-اراسان كٶشەسٸنٸڭ ەكولوگييالىق بەكەتتەن «نۇربوتا» دٷكەنٸنە دەيٸنگٸ بٶلٸگٸ بٸر ايعا جابىلادى. بۇل ۋچاسكەدە تاس قۇلاۋ قاۋپٸنٸڭ الدىن الۋ جۇمىستارى جٷرگٸزٸلەدٸ, دەپ حابارلايدى dalanews.kz.

ەكٸمدٸكتٸڭ مەلٸمەتٸنشە, اتالعان اۋماقتا تاۋ جىنىستارىنىڭ وپىرىلۋى جەنە ديامەترٸ 2,5 مەترگە دەيٸن جەتەتٸن ٸرٸ تاستاردىڭ قۇلاۋى تٸركەلگەن. بۇل جاعداي كٶلٸك جٷرگٸزۋشٸلەرٸ مەن تۇرعىندارعا, سونداي-اق جاقىن ماڭداعى ينجەنەرلٸك جەلٸلەرگە قاۋٸپ تٶندٸرەدٸ.

قاۋٸپتٸڭ الدىن الۋ ٷشٸن ماماندار ٸرٸ تاستاردى باقىلاناتىن تەسٸلمەن تٶمەن تٷسٸرٸپ, اۋماقتان شىعارادى. سونىمەن قاتار تاۋ بەتكەيٸن نىعايتۋ جۇمىستارى جٷرگٸزٸلەدٸ.

جۇمىستاردى قاۋٸپسٸز اتقارۋ ٷشٸن جول ۋچاسكەسٸ ۋاقىتشا جابىلادى. جۇمىس كەستەسٸن جوسپارلاۋ كەزٸندە تۇرعىندار مەن جٷرگٸزۋشٸلەرگە كەلەتٸن قولايسىزدىقتى ازايتۋ كٶزدەلگەن. مٷمكٸندٸگٸنشە, دەمالىس كٷندەرٸ كٶلٸك قوزعالىسىنا قوسىمشا سالماق تٷسٸرمەيتٸندەي ەتٸپ ۇيىمداستىرىلادى.

تۇرعىندار مەن جٷرگٸزۋشٸلەرگە قوزعالىس باعىتىن الدىن الا جوسپارلاۋ ۇسىنىلادى.