قازاقستان رەسپۋبليكاسىنىڭ مەدەنيەت جەنە اقپارات مينيسترٸ ارمان قىرىقباەۆ اقش-تىڭ قازاقستان رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ دجۋلي ستاففتپەن كەزدەستٸ, دەپ حابارلايدى dalanews.kz.
تاراپتار قازاقستان مەن اقش-تىڭ مەدەنيەت, ماسس-مەديا جەنە مۋزەي ٸسٸ سالالارىنداعى ىنتىماقتاستىعىن كەڭەيتۋ مٷمكٸندٸكتەرٸن تالقىلادى.
كەزدەسۋ بارىسىندا ارمان قىرىقباەۆ قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ پەن اقش پرەزيدەنتٸ دونالد ترامپ اراسىنداعى قارىم-قاتىناستىڭ جوعارى دەڭگەيدە ەكەنٸن ەرەكشە اتاپ ٶتتٸ. مينيستر ەكٸ ەل باسشىلارىنىڭ كەڭەيتٸلگەن ستراتەگييالىق ەرٸپتەستٸكتٸ نىعايتۋدا جەنە ەكٸجاقتى ىنتىماقتاستىقتى دامىتۋدا شەشۋشٸ رٶل اتقاراتىنىن ايتتى.
ٶز كەزەگٸندە دجۋلي ستاففت قازاقستان پرەزيدەنتٸنٸڭ الداعى G20 سامميتٸنە قاتىسۋىنا دايىندىق جۇمىستارى قارقىندى جٷرٸپ جاتقانىن وڭ باعالادى. مەملەكەت باسشىسى 14-15 جەلتوقساندا ماياميدە ٶتەتٸن سامميتكە اقش پرەزيدەنتٸ دونالد ترامپتىڭ شاقىرۋىمەن قاتىسادى. ەلشٸ الداعى سامميتتٸڭ قازاقستان مەن اقش اراسىنداعى قارىم-قاتىناستى ودان ەرٸ تەرەڭدەتٸپ, تٷرلٸ باعىتتاعى ىنتىماقتاستىقتى كەڭەيتۋ ٷشٸن ماڭىزدى ەكەنٸن اتاپ ٶتتٸ.

ەلشٸنٸڭ ٶتٸنٸشٸ بويىنشا مينيستر قۇرىلتايدا قارالىپ جاتقان ونلاين-پلاتفورمالار مەن ماسس-مەديا سالاسىنداعى زاڭنامالىق تٷزەتۋلەر تۋرالى اقپارات بەردٸ. ۇسىنىلعان ٶزگەرٸستەر ازاماتتاردىڭ قۇقىقتارىن قورعاۋعا, بالالاردىڭ ينتەرنەتتەگٸ قاۋٸپسٸزدٸگٸن قامتاماسىز ەتۋگە, قۇقىققا قايشى كونتەنتتٸڭ تارالۋىنا توسقاۋىل قويۋعا جەنە ونلاين-پلاتفورمالاردىڭ جاۋاپكەرشٸلٸگٸن ارتتىرۋعا باعىتتالعان. وسى ورايدا قازاقستاننىڭ تسيفرلىق ورتانى رەتتەۋ جٶنٸندەگٸ حالىقارالىق تەجٸريبەنٸ, سونىڭ ٸشٸندە اقش تەجٸريبەسٸن زەردەلەۋگە مٷددەلٸ ەكەنٸ ايتىلدى.
تاراپتار مۋزەي سالاسىنداعى ىنتىماقتاستىقتى دامىتۋعا دا ەرەكشە نازار اۋداردى. ەلشٸ دجۋلي ستاففت ەكٸ ەل مۋزەيلەرٸ اراسىنداعى كەسٸبي بايلانىستى نىعايتۋدىڭ ماڭىزىن اتاپ ٶتتٸ. سونداي-اق بٸرلەسكەن باستامالاردى جٷزەگە اسىرۋعا, سونىڭ ٸشٸندە قازاقستان مۋزەيلەرٸنٸڭ جەدٸگەرلەرٸن اقش-تا كٶرمەگە قويۋعا قولداۋ كٶرسەتۋگە دايىن ەكەنٸن بٸلدٸردٸ.
ارمان قىرىقباەۆ امەريكالىق مۋزەيلەردٸڭ تەجٸريبەسٸن زەردەلەۋگە, مۋزەي ٸسٸندەگٸ زاماناۋي تەسٸلدەرمەن تانىسۋعا جەنە جاڭا كەسٸبي بايلانىستار ورناتۋعا مٷمكٸندٸك بەرەتٸن باستاماسى ٷشٸن ەلشٸگە العىس ايتتى.
كەزدەسۋ قورىتىندىسىندا تاراپتار مەدەني-گۋمانيتارلىق بايلانىستاردى ودان ەرٸ نىعايتۋعا جەنە بٸرلەسكەن جوبالاردى جٷزەگە اسىرۋعا مٷددەلٸ ەكەنٸن راستادى.