Pew Research Center زەرتتەۋ ورتالىعىنىڭ بولجامىنشا, 2035 جىلعا قاراي ەلەمدەگٸ مۇسىلماندار سانى حريستيانداردان اسىپ, ەڭ ٸرٸ دٸني توپقا اينالۋى مٷمكٸن. بۇعان ەڭ الدىمەن تۋۋ كٶرسەتكٸشٸنٸڭ جوعارى بولۋى مەن مۇسىلمان حالىقتارىنىڭ جاس قۇرامىنىڭ ەرەكشەلٸگٸ ەسەر ەتەدٸ, دەپ حابارلايدى dalanews.kz.
زەرتتەۋ دەرەكتەرٸنە سەيكەس, 2020 جىلى ەلەمدە 2,02 ملرد مۇسىلمان جەنە 2,27 ملرد حريستيان بولعان. ال 2035 جىلعا قاراي مۇسىلماندار سانى 2,57 ملرد-قا, حريستياندار سانى 2,52 ملرد-قا جەتەدٸ دەپ بولجانىپ وتىر.
ورتالىقتىڭ ەسەبٸنشە, 2070 جىلعا قاراي مۇسىلماندار سانى 3,64 ملرد ادامعا دەيٸن ٶسەدٸ. حريستياندار سانى شامامەن 2,96 ملرد بولادى. وسىلايشا, مۇسىلماندار ەلەم حالقىنىڭ 36%-ىن, ال حريستياندار 29%-ىن قۇراۋى مٷمكٸن.
زەرتتەۋشٸلەر مۇنداي ٶزگەرٸستٸڭ باستى سەبەبٸن تۋۋ دەڭگەيٸمەن بايلانىستىرادى. 2020–2025 جىلدارى مۇسىلمان ەيەلدەرگە شاققانداعى بالا تۋۋ كوەففيتسيەنتٸ 3,1 بولسا, حريستيان ەيەلدەر اراسىندا بۇل كٶرسەتكٸش 2,5 بولعان. باسقا دٸني توپتارداعى ەيەلدەر ٷشٸن ورتاشا كٶرسەتكٸش 1,6 بالانى قۇراعان.
مۇسىلمان قاۋىمىنىڭ جاس قۇرامى دا حالىق سانىنىڭ ٶسۋٸنە ىقپال ەتەدٸ. 2020 جىلى مۇسىلمانداردىڭ ورتاشا جاسى 24 بولسا, باسقا دٸن ٶكٸلدەرٸندە بۇل كٶرسەتكٸش 33 جاس بولعان.
Pew مەلٸمەتٸنشە, دٸني سەنٸمٸن ٶزگەرتۋ دە دەموگرافييالىق ٷدەرٸسكە ەسەر ەتەدٸ. الايدا بۇل فاكتوردىڭ ىقپالى تۋۋ مەن ٶلٸم كٶرسەتكٸشتەرٸنە قاراعاندا ەلدەقايدا تٶمەن.
زەرتتەۋدە باسقا دٸني توپتارعا قاتىستى دا بولجامدار كەلتٸرٸلگەن. 2070 جىلعا قاراي بۋدديستەر سانى 2020 جىلعى 324 ملن-نان 235 ملن-عا دەيٸن ازايۋى مٷمكٸن. ال دٸنگە قاتىستىلىعىن كٶرسەتپەيتٸن ادامداردىڭ ەلەم حالقى ٸشٸندەگٸ ٷلەسٸ 24%-دان 17%-عا دەيٸن تٶمەندەيدٸ دەپ كٷتٸلۋدە.
سونىمەن قاتار يندۋيزم مەن يۋدايزمدٸ ۇستانۋشىلاردىڭ سانى ابسوليۋتتٸ كٶرسەتكٸش بويىنشا ٶسكەنٸمەن, ولاردىڭ ەلەم حالقى ٸشٸندەگٸ ٷلەسٸ ازايۋى ىقتيمال.
ايتا كەتەيٸك, زەرتتەۋ 2020–2070 جىلدار ارالىعىنداعى دەموگرافييالىق ٶزگەرٸستەردٸ قامتيدى جەنە 201 ەل مەن اۋماقتىڭ دەرەكتەرٸنە نەگٸزدەلگەن. بولجامدا حالىقتىڭ جاس قۇرامى, تۋۋ مەن ٶلٸم دەڭگەيٸ, كٶشٸ-قون جەنە دٸني تيٸستٸلٸكتٸڭ ٶزگەرۋٸ ەسكەرٸلگەن. زەرتتەۋ اۆتورلارى بۇل ەسەپ بولاشاقتاعى بارلىق ىقتيمال وقيعالاردى قامتىمايتىنىن اتاپ ٶتەدٸ.