بٷگٸن توقاەۆ قازۇۋ رەكتورى جانسەيٸت تٷيمەباەۆتى ماقتادى

بٷگٸن توقاەۆ قازۇۋ رەكتورى جانسەيٸت تٷيمەباەۆتى ماقتادى

پرەزيدەنت قازاقستاندىق ديپلومداردىڭ حالىقارالىق دەڭگەيدە مويىندالۋىنا جانسەيٸت تٷيمەباەۆتىڭ قوسقان ٷلەسٸن اتاپ ٶتتٸ. قاسىم-جومارت توقاەۆ جوعارى بٸلٸم بەرۋ جٷيەسٸن دامىتۋ مەسەلەلەرٸنە ارنالعان سٶزٸندە ەل-فارابي اتىنداعى قازاق ۇلتتىق ۋنيۆەرسيتەتٸنٸڭ رەكتورى جانسەيٸت تٷيمەباەۆتىڭ ەڭبەگٸنە ەرەكشە توقتالعان, دەپ حابارلايدى dalanews.kz.

مەملەكەت باسشىسى قازاقستاننىڭ بٸلٸم بەرۋ بٸلٸكتٸلٸكتەرٸن حالىقارالىق دەڭگەيدە تانۋعا باعىتتالعان ليسسابون جەنە توكيو كونۆەنتسييالارىنا قوسىلعانىن اتاپ ٶتتٸ. وسىلايشا, قازاقستان اتالعان ەكٸ كونۆەنتسيياعا بٸردەي قوسىلعان ٶڭٸردەگٸ العاشقى مەملەكەت اتاندى.

«بۇل ەل-فارابي اتىنداعى قازاق ۇلتتىق ۋنيۆەرسيتەتٸنٸڭ رەكتورى, بۇرىنعى بٸلٸم جەنە عىلىم مينيسترٸ, ەلشٸ جانسەيٸت تٷيمەباەۆتىڭ كٷش-جٸگەرٸنٸڭ ارقاسىندا مٷمكٸن بولدى. ەندٸ قازاقستاندىق جوعارى وقۋ ورىندارىنىڭ ديپلومدارى باتىستا دا, شىعىستا دا مويىندالاتىن بولدى», – دەدٸ قاسىم-جومارت توقاەۆ.

بۇل – ەلٸمٸز تەۋەلسٸزدٸك العاننان بەرگٸ ەڭ جوعارى كٶرسەتكٸش – دەيدٸ توقاەۆ. 2029 جىلعا قاراي قازاقستاندا بٸلٸم الاتىن شەتەلدٸك ستۋدەنتتەر سانىن 100 مىڭعا جەتكٸزۋ جوسپارلانىپ وتىر. وسى ماقساتتا Study in Kazakhstan ۇلتتىق باستاماسىن دامىتۋ كٶزدەلگەن.

سونداي-اق قاسىم-جومارت توقاەۆ شەتەلدٸك ۋنيۆەرسيتەتتەرمەن ىنتىماقتاستىقتى دامىتۋعا قوسقان ٷلەسٸ ٷشٸن عىلىم جەنە جوعارى بٸلٸم مينيسترٸ ساياسات نۇربەكتٸ دە اتاپ ٶتتٸ.

«قازٸر اۋقىمدى ۇيىمداستىرۋ جۇمىستارىنىڭ العاشقى كەزەڭٸ نەگٸزٸنەن اياقتالدى دەپ ايتۋعا بولادى. وسىعان بايلانىستى مينيستر ساياسات نۇربەككە العىسىمدى بٸلدٸرەمٸن», – دەدٸ مەملەكەت باسشىسى.

ايتا كەتەيٸك, بۇعان دەيٸن, 2026 جىلدىڭ قاڭتارىندا, سەنات يۋنەسكو-نىڭ توكيو كونۆەنتسيياسىن راتيفيكاتسييالاعان بولاتىن. بۇل قۇجات قازاقستان ديپلومدارىن قىتاي, جاپونييا جەنە وڭتٷستٸك كورەيانى قوسا العاندا, ازييا-تىنىق مۇحيتى ٶڭٸرٸ ەلدەرٸندە تانۋ رەسٸمٸن جەڭٸلدەتۋگە مٷمكٸندٸك بەرەدٸ.