تۋريزم جەنە سپورت مينيسترٸ ەربول مىرزابوسىنوۆ وكق الاڭىندا تۋريزم سالاسىنداعى مەملەكەتتٸك ساياساتتىڭ باسىم باعىتتارى مەن جٷزەگە اسىرىلىپ جاتقان رەفورمالاردىڭ نەتيجەلەرٸ تۋرالى باياندادى, دەپ حابارلايدى dalanews.kz.
ونىڭ ايتۋىنشا, ەلٸمٸزدە تۋريستٸك سالادا وڭ ٶسٸم بايقالادى. نەگٸزگٸ كٶرسەتكٸشتەر جاقسارىپ, ونىڭ ۇلتتىق ەكونوميكاعا قوساتىن ٷلەسٸ ارتىپ كەلەدٸ.
"2026 جىلدىڭ ٸ جارتىجىلدىعىندا ورنالاستىرۋ ورىندارىندا 5 ملن-عا جۋىق ادامعا قىزمەت كٶرسەتٸلدٸ. قىزمەت كٶلەمٸ 15%-عا ارتىپ, 173,7 ملرد تەڭگە بولدى. بٷگٸندە سالادا 565 مىڭ ادام ەڭبەك ەتەدٸ. بۇل – قازاقستانداعى جۇمىسپەن قامتىلعان حالىقتىڭ جالپى سانىنىڭ 6%-ى. تۋريستٸك قىزمەتتەن تٷسكەن سالىق تٷسٸمدەرٸ 303 ملرد تەڭگەگە جەتتٸ. ال شەتەلدٸك تۋريستەر ەلدە 1,4 ملرد اقش دوللارىن جۇمسادى", – دەدٸ ول باسپاسٶز كونفەرەنتسيياسىندا.
سونىمەن قاتار, 2026 جىلدىڭ توعىز ايىندا تۋريزم سالاسىنداعى نەگٸزگٸ كاپيتالعا سالىنعان ينۆەستيتسييا كٶلەمٸ 1 ترلن 319 ملرد تەڭگە بولدى. بۇل بىلتىرمەن سالىستىرعاندا 68%-عا جوعارى.