Týrizm jáne sport ministri Erbol Myrzabosynov OKQ alańynda týrizm salasyndaǵy memlekettik saiasattyń basym baǵyttary men júzege asyrylyp jatqan reformalardyń nátijeleri týraly baiandady, dep habarlaidy dalanews.kz.
Onyń aitýynsha, elimizde týristik salada oń ósim baiqalady. Negizgi kórsetkishter jaqsaryp, onyń ulttyq ekonomikaǵa qosatyn úlesi artyp keledi.
"2026 jyldyń I jartyjyldyǵynda ornalastyrý oryndarynda 5 mln-ǵa jýyq adamǵa qyzmet kórsetildi. Qyzmet kólemi 15%-ǵa artyp, 173,7 mlrd teńge boldy. Búginde salada 565 myń adam eńbek etedi. Bul – Qazaqstandaǵy jumyspen qamtylǵan halyqtyń jalpy sanynyń 6%-y. Týristik qyzmetten túsken salyq túsimderi 303 mlrd teńgege jetti. Al sheteldik týrister elde 1,4 mlrd AQSh dollaryn jumsady", – dedi ol baspasóz konferentsiiasynda.
Sonymen qatar, 2026 jyldyń toǵyz aiynda týrizm salasyndaǵy negizgi kapitalǵa salynǵan investitsiia kólemi 1 trln 319 mlrd teńge boldy. Bul byltyrmen salystyrǵanda 68%-ǵa joǵary.