Búgin Toqaev QazUÝ rektory Janseiit Túimebaevty maqtady

Búgin Toqaev QazUÝ rektory Janseiit Túimebaevty maqtady

Prezident qazaqstandyq diplomdardyń halyqaralyq deńgeide moiyndalýyna Janseiit Túimebaevtyń qosqan úlesin atap ótti. Qasym-Jomart Toqaev joǵary bilim berý júiesin damytý máselelerine arnalǵan sózinde ál-Farabi atyndaǵy Qazaq ulttyq ýniversitetiniń rektory Janseiit Túimebaevtyń eńbegine erekshe toqtalǵan, dep habarlaidy dalanews.kz.

Memleket basshysy Qazaqstannyń bilim berý biliktilikterin halyqaralyq deńgeide tanýǵa baǵyttalǵan Lissabon jáne Tokio konventsiialaryna qosylǵanyn atap ótti. Osylaisha, Qazaqstan atalǵan eki konventsiiaǵa birdei qosylǵan óńirdegi alǵashqy memleket atandy.

«Bul ál-Farabi atyndaǵy Qazaq ulttyq ýniversitetiniń rektory, burynǵy Bilim jáne ǵylym ministri, elshi Janseiit Túimebaevtyń kúsh-jigeriniń arqasynda múmkin boldy. Endi qazaqstandyq joǵary oqý oryndarynyń diplomdary Batysta da, Shyǵysta da moiyndalatyn boldy», – dedi Qasym-Jomart Toqaev.

Bul – elimiz táýelsizdik alǵannan bergi eń joǵary kórsetkish – deidi Toqaev. 2029 jylǵa qarai Qazaqstanda bilim alatyn sheteldik stýdentter sanyn 100 myńǵa jetkizý josparlanyp otyr. Osy maqsatta Study in Kazakhstan ulttyq bastamasyn damytý kózdelgen.

Sondai-aq Qasym-Jomart Toqaev sheteldik ýniversitettermen yntymaqtastyqty damytýǵa qosqan úlesi úshin Ǵylym jáne joǵary bilim ministri Saiasat Nurbekti de atap ótti.

«Qazir aýqymdy uiymdastyrý jumystarynyń alǵashqy kezeńi negizinen aiaqtaldy dep aitýǵa bolady. Osyǵan bailanysty ministr Saiasat Nurbekke alǵysymdy bildiremin», – dedi Memleket basshysy.

Aita keteiik, buǵan deiin, 2026 jyldyń qańtarynda, Senat IýNESKO-nyń Tokio konventsiiasyn ratifikatsiialaǵan bolatyn. Bul qujat Qazaqstan diplomdaryn Qytai, Japoniia jáne Ońtústik Koreiany qosa alǵanda, Aziia-Tynyq muhity óńiri elderinde taný rásimin jeńildetýge múmkindik beredi.