Emhanaǵa qaita-qaita barýdyń qajeti bolmaidy: jańa tártip usynyldy

Emhanaǵa qaita-qaita barýdyń qajeti bolmaidy: jańa tártip usynyldy
Foto: JI

Qazaqstanda dárigerlerge bir qabyldaý kezinde birneshe meditsinalyq qyzmet kórsetýge ruqsat berilýi múmkin. Densaýlyq saqtaý ministrligi osyǵan qatysty ózgerister jobasyn jariialady, dep habarlaidy dalanews.kz.

Jańa tártip qabyldansa, dáriger patsientti tekserip qana qoimai, qajet bolǵan jaǵdaida dári-dármekke retsept jazyp, meditsinalyq anyqtama berip, profilaktikalyq qyzmetterdi de birden kórsete alady. Iaǵni ár qyzmet úshin emhanaǵa bólek jazylyp, birneshe ret barýdyń qajeti bolmaidy.

Eger patsient basqa sozylmaly aýrýy boiynsha da josparly tekserýden ótýge tiis bolsa, dáriger ony sol qabyldaý kezinde eskere alady. Bul úshin jeke qabyldaý rásimdelmeidi.

Dáriger kórsetken qyzmetter men jazyp bergen retseptter meditsinalyq aqparattyq júiege avtomatty túrde engiziledi. Bul mamandardyń qujat toltyrýǵa ketetin ýaqytyn qysqartýǵa tiis.

Sonymen qatar V jáne S virýstyq gepatitterin anyqtaýǵa arnalǵan tekserýlerdi, onyń ishinde jedel testileýdi keńeitý kózdelgen. Qannyń uiýy buzylǵan jáne júike-bulshyqet aýrýlary bar patsientterge MÁMS aiasynda qoljetimdi tekserýler tizimi de naqtylanbaq.

Qosymsha taldaýlar men zertteýler patsienttiń densaýlyq jaǵdaiyna qarai taǵaiyndalady. Al kúrdeli jaǵdaida qandai tekserý qajet ekenin birneshe maman birlesip sheshedi.

Ázirge bul ózgerister kúshine engen joq. Buiryq jobasy 2026 jylǵy 4 jeltoqsanǵa deiin qoǵamdyq talqylaýda bolady.