Búgin Memleket basshysy Qasym-Jomart Toqaev III Strategiialyq seriktester forýmynda sóz sóiledi, dep habarlaidy dalanews.kz.
Prezident óz sózinde NVIDIA kompaniiasymen aradaǵy bailanysqa toqtaldy.
"Biz NVIDIA kompaniiasymen jemisti yntymaqtastyqty jolǵa qoidyq. Aty ańyzǵa ainalǵan kórnekti injener Djensen Hýang myrzaǵa jaqynda Astanaǵa arnaiy kelgeni úshin alǵys aitamyn", - dedi Toqaev.
Memleket basshysynyń sózinshe, OpenAI kompaniiasymen seriktestik nátijesinde elimizdegi joǵary oqý oryndarynyń ustazdary ChatGPT Edu arnaýly chat-botyn erkin paidalaný múmkindigine ie bolǵan.
"Stenford ýniversiteti, Massachýsets tehnologiialyq institýty (MIT), Berkli jáne Karnegi Mellon ýniversitetterindegi sarapshylardyń qoldaýymen stýdentterimiz 22 myńnan asa jobany jasap shyǵardy. JI-men bailanysty júzdegen sheshim biznes, densaýlyq saqtaý, energetika jáne aýyl sharýashylyǵy salalaryna engizilip jatyr. Satbayev Technical University men Gonkong qalalyq ýniversiteti arasyndaǵy yntymaqtastyq ta osy salada aitarlyqtai nátije ákeldi", - dedi Prezident.
Nvidia-daǵy jaǵdai
Eske salaiyq, 13 qarashada Nvidia kompaniiasynyń basshysy Djensen Hýang qyzmetinen ketkenin habarlaǵan edik.
Nvidia direktorlar keńesi Djensen Hýang qyzmetinen ketkenin málimdegen bolatyn. Onyń ókilettigi dereý toqtatyldy. Djensen Hýang jeke ómirine bailanysty jariialanǵan aqparatqa qatysty daýdan keiin qyzmetinen ketti.
Hýang 1993 jyly kompaniianyń negizin qalaǵan sátten bastap ony 33 jyl boiy basqardy. Osy ýaqyt ishinde Nvidia kompiýterlik grafikaǵa arnalǵan chipter óndirýden jasandy intellekt tehnologiialary salasyndaǵy álemdik kóshbasshylardyń birine ainaldy.