قازاقستاندا ۇيالى بايلانىس نٶمٸرٸنٸڭ مەرزٸمٸن ۇزارتۋ دەگەن سىلتاۋمەن ازاماتتاردى الدايتىن الاياقتار كٶبەيگەن. اقتٶبەدە ەكٸنشٸ كۋرس ستۋدەنتٸ ٶزٸن ۇيالى بايلانىس وپەراتورى مەن بانك قىزمەتكەرٸ رەتٸندە تانىستىرعان الاياقتارعا سەنٸپ, شامامەن 10 ميلليون تەڭگەسٸنەن ايىرىلعان, دەپ حابارلايدى dalanews.kz.
ۆەدومستۆو مەلٸمەتٸنشە, الاياقتار قىزدى اقشاسىن «قاۋٸپسٸز شوتقا» اۋدارۋعا كٶندٸرگەن. ول بەلگٸسٸز ادامداردىڭ نۇسقاۋىن ورىنداپ, قوماقتى قارجىسىنان ايىرىلعان.
الاياقتاردان قالاي قورعانۋعا بولادى?
ٸشكٸ ٸستەر مينيسترلٸگٸ قازاقستاندىقتاردى تەلەفون ارقىلى حابارلاسقان بەلگٸسٸز ادامدارعا ساق بولۋعا شاقىردى.
پوليتسييا ازاماتتارعا مىنا جايتتاردى ەستە ساقتاۋدى ەسكەرتەدٸ:
- بانك پەن ۇيالى بايلانىس وپەراتورىنىڭ قىزمەتكەرلەرٸ ەشقاشان اقشانى «قاۋٸپسٸز شوتقا» اۋدارۋدى تالاپ ەتپەيدٸ;
- ٶزٸن بانك, قۇقىق قورعاۋ ورگاندارى نەمەسە باسقا مەكەمە قىزمەتكەرٸ رەتٸندە تانىستىرعان بەلگٸسٸز ادامداردىڭ نۇسقاۋىمەن قارجىلىق وپەراتسييا جاساماۋ كەرەك.
ەگەر وسىنداي كٷمەندٸ قوڭىراۋ تٷسسە, ەڭگٸمەنٸ توقتاتىپ, ۇيىمنىڭ رەسمي نٶمٸرٸنە ٶزٸڭٸز حابارلاسقان جٶن.