ٶزبەكستاندىق عالىم قازاقستاندا تىڭشىلىق جاسادى دەگەن ايىپپەن 10 جىلعا سوتتالدى

ٶزبەكستاندىق عالىم قازاقستاندا تىڭشىلىق جاسادى دەگەن ايىپپەن 10 جىلعا سوتتالدى
اشىق دەرەككٶز

ماقسۇت نەرٸكباەۆ اتىنداعى ۋنيۆەرسيتەتتٸڭ بۇرىنعى وقىتۋشىسى, ٶزبەكستان ازاماتى يكبولجون كارابوەۆ قازاقستاندا تىڭشىلىق جاسادى دەگەن ايىپپەن 10 جىلعا باس بوستاندىعىنان ايىرىلدى. بۇل تۋرالى ونىڭ تۋىستارىنا سٸلتەمە جاساعان «ازاتتىق ازييا» مەلٸمدەدٸ, دەپ حابارلايدى dalanews.kz.

باسىلىمنىڭ مەلٸمەتٸنشە, 46 جاستاعى عالىمدى سوت قازاقستان قىلمىستىق كودەكسٸنٸڭ 176-بابى بويىنشا كٸنەلٸ دەپ تانىعان. سوت وتىرىستارى ٸس ماتەريالدارىندا قۇپييا اقپارات بولعاندىقتان جابىق رەجيمدە ٶتكەن. كارابوەۆتىڭ وتباسى ٷكٸم شىققانى تۋرالى رەسمي ورگانداردان ەمەس, ٶز دەرەككٶزدەرٸ ارقىلى بٸلگەن.

پروفەسسور 2026 جىلعى 3 شٸلدەدە استانادا ۇستالعان. ول بۇعان دەيٸن ماقسۇت نەرٸكباەۆ اتىنداعى ۋنيۆەرسيتەتتە حالىقارالىق قاتىناستار پەنٸنەن ساباق بەرگەن. قىلمىستىق كودەكستٸڭ «تىڭشىلىق» بابى بويىنشا 10 جىلدان 15 جىلعا دەيٸن باس بوستاندىعىنان ايىرۋ جازاسى قاراستىرىلعان.

كارابوەۆتىڭ عىلىمي جۇمىستارى ورتالىق ازيياداعى ٶڭٸرلٸك ينتەگراتسييا, گەوەكونوميكا جەنە ستراتەگييالىق ماڭىزى بار مينەرالدىق رەسۋرستار تاقىرىپتارىن قامتىعان. ەرٸپتەستەرٸنٸڭ ايتۋىنشا, ول زەرتتەۋلەرٸندە اشىق دەرەككٶزدەردەگٸ اقپاراتتى پايدالانعان.

عالىمنىڭ تۋىستارى تەرگەۋ مەن سوت ماتەريالدارىمەن تانىسۋعا, سونداي-اق ٷكٸمنٸڭ كٶشٸرمەسٸن الۋعا مٷمكٸندٸك بەرٸلمەگەنٸن ايتادى. ولاردىڭ سٶزٸنشە, سۇراتىلعان اقپاراتتىڭ بارلىعىنا «اسا قۇپييا» دەگەن بەلگٸ قويىلعان. وتباسىنا ايىپتاۋ بويىنشا عالىمنىڭ كٸمنٸڭ مٷددەسٸ ٷشٸن جۇمىس ٸستەگەنٸ جەنە سوتقا قانداي دەلەلدەر ۇسىنىلعانى دا حابارلانباعان.

«تەرگەۋ بارىسى مەن ونىڭ نەتيجەلەرٸ تۋرالى اقپارات بەرٸلگەن جوق. ايىپتاۋعا قاتىستى ناقتى ماتەريالدار مەن دەلەلدەردٸ العان جوقپىز», – دەگەن عالىمنىڭ اتى-جٶنٸن جارييالاماۋدى ٶتٸنگەن تۋىستارىنىڭ بٸرٸ.

وتباسى قازاقستان پرەزيدەنتٸنە, باس پروكۋراتۋراعا, ۇلتتىق قاۋٸپسٸزدٸك كوميتەتٸنە, ادام قۇقىقتارى جٶنٸندەگٸ ۋەكٸلگە جەنە قۇقىق قورعاۋ ۇيىمدارىنا بٸرنەشە رەت ٶتٸنٸش جولداعان. الايدا ولاردىڭ ايتۋىنشا, مەملەكەتتٸك ورگانداردان ناقتى جاۋاپ الا الماعان.

قازٸر تۋىستارى ٷكٸمگە شاعىم تٷسٸرٸپ, پروفەسسوردى تولىق اقتاۋعا نيەتتٸ. ولار تەرگەۋ جەنە سوت ماتەريالدارىن بەرۋدٸ, عالىمدى بۇرىنعى قىزمەتٸنە قايتا ورنالاستىرۋدى, ەڭبەك قۇقىقتارىن قالپىنا كەلتٸرۋدٸ جەنە ٸستەگٸ ىقتيمال زاڭ بۇزۋشىلىقتاردى رەسمي مويىنداۋدى تالاپ ەتٸپ وتىر.

«ازاتتىق ازييا» باسىلىمى قازاقستان مەن ٶزبەكستاننىڭ رەسمي ورگاندارى ەزٸرگە ٷكٸمگە قاتىستى تٷسٸنٸكتەمە بەرمەگەنٸن اتاپ ٶتتٸ. كارابوەۆ – ٶزبەكستان ازاماتى. ٶزبەكستان تاراپىنىڭ دا بۇل ٸسكە قاتىستى ۇستانىمى بەلگٸسٸز.

ايتا كەتەيٸك, 3 قىركٷيەكتە Dala News ۇقك-نٸڭ رەسمي جاۋابىنا سٸلتەمە جاساپ, قازاقستاننىڭ كارابوەۆتىڭ ٸسٸ تۋرالى ٶزبەكستانعا رەسمي تٷردە حابارلاعانىن جازعان.