شەنچجەندەگٸ كەزدەسۋدٸڭ استارىندا نە جاتىر? ساياساتتانۋشى ٷش كٶشباسشىعا قاتىستى ماڭىزدى جايتتاردى اتادى

شەنچجەندەگٸ كەزدەسۋدٸڭ استارىندا نە جاتىر? ساياساتتانۋشى ٷش كٶشباسشىعا قاتىستى ماڭىزدى جايتتاردى اتادى
جي: Dalanews.kz

ساياساتتانۋشى تالعات قاليەۆ قىتاي تٶراعاسى سي تسزينپين, اقش پرەزيدەنتٸ دونالد ترامپ جەنە رەسەي پرەزيدەنتٸ ۆلاديمير پۋتيننٸڭ كەزدەسۋٸنە قاتىستى پٸكٸر بٸلدٸردٸ. ونىڭ ايتۋىنشا, ٷش كٶشباسشىنىڭ باسقوسۋى بٸرقاتار ساياسي وقيعالار اياسىندا ٶتٸپ جاتىر. ال كەزدەسۋدٸڭ ۇيىمداستىرىلۋى مەن ديپلوماتييالىق حاتتاماداعى ەرەكشەلٸكتەر بەيجٸڭنٸڭ حالىقارالىق ارەناداعى ۇستانىمىن اڭعارتادى. تالعات قاليەۆتٸڭ پٸكٸرٸنشە, ٷش ەل باسشىسىنىڭ كەزدەسۋٸ قارساڭىندا تاراپتاردىڭ ەرقايسىسى بٸرقاتار كٷردەلٸ جاعدايدى باستان ٶتكەردٸ, دەپ حابارلايدى dalanews.kz.

مەسەلەن, كەزدەسۋدٸڭ الدىندا يران كۋۆەيتتەگٸ امەريكالىق ەسكەري بازاعا سوققى جاساعان. ساياساتتانۋشىنىڭ پايىمداۋىنشا, تەگەرانعا ىقپالى بار قىتاي قالاسا, مۇنداي جاعدايدىڭ الدىن الىپ, يراندىق وداقتاستارىنان سامميت قارساڭىندا جاعدايدى ۋشىقتىرماۋدى سۇراي الار ەدٸ.

الايدا وسى وقيعادان كەيٸن دونالد ترامپ قىتايعا كەلٸسسٶزدەر ٷشٸن قولايسىز جاعدايدا كەلۋگە مەجبٷر بولدى. بۇعان قوسا, كونگرەسس سايلاۋىنداعى جەڭٸلٸس تە ونىڭ كەلٸسسٶزدەردەگٸ ۇستانىمىنا ەسەر ەتۋٸ مٷمكٸن.

قاليەۆ ۆاشينگتوننىڭ بۇعان دەيٸن NVIDIA باسشىسىنا قاتىستى جانجالعا دا ەرەكشە نازار اۋدارتقانىن اتاپ ٶتتٸ. اقش تاراپى ونىڭ كٶڭٸلدەسٸن قىتايدىڭ تىڭشىسى دەپ تٸكەلەي ايىپتاعان. ساياساتتانۋشىنىڭ سٶزٸنشە, جەكە سيپاتتاعى بۇل وقيعا حالىقارالىق دەڭگەيدەگٸ ٷلكەن جانجالعا اينالىپ, بەيجٸڭدٸ رەسمي تٷردە تەرٸسكە شىعارۋعا مەجبٷر ەتتٸ. دەگەنمەن قىتايدىڭ مەلٸمدەمەسٸنە كٶپشٸلٸك سەنە قويماعان.

ال رەسەي پرەزيدەنتٸ ۆلاديمير پۋتين ٷشٸن دە كەزدەسۋ قارساڭىنداعى جاعداي وڭاي بولماعان. قاليەۆ قىرىم تٷبەگٸن جالعايتىن كەرچ كٶپٸرٸنٸڭ اۆتوموبيل بٶلٸگٸنە زاقىم كەلگەنٸن اتاپ ٶتتٸ. بۇل وقيعا دا ەلەمدٸك باق-تا كەڭٸنەن تالقىلاندى. ساياساتتانۋشىنىڭ پٸكٸرٸنشە, مۇنداي جاعدايدا پۋتيننٸڭ ۋكراينا اۋماعىنداعى ەسكەري جەتٸستٸكتەرٸ تۋرالى سەنٸمدٸ تٷردە مەلٸمدەۋٸ قيىنعا سوعۋى مٷمكٸن.

ديپلوماتييالىق حاتتاماداعى يشارا

تالعات قاليەۆ قىتايدىڭ دونالد ترامپتى ەۋەجايدا جەكە ٶزٸ قارسى العانىنا دا نازار اۋداردى. ونىڭ ايتۋىنشا, بۇل قىتايدىڭ دەستٷرلٸ ديپلوماتييالىق حاتتاماسىنان تىس قادام سانالادى. ال ۆلاديمير پۋتيندٸ قىتاي تٶراعاسى جەكە قارسى العان جوق. رەسەي پرەزيدەنتٸن قىتاي كوممۋنيستٸك پارتيياسى ورتالىق كوميتەتٸ حاتشىلىعىنىڭ مٷشەسٸ تساي تسي كٷتٸپ العان.

سامميت كەزٸندەگٸ ورتاق سۋرەتكە تٷسۋ رەسٸمٸ دە ساياساتتانۋشىنىڭ نازارىنان تىس قالماعان. ونىڭ ايتۋىنشا, دونالد ترامپقا سي تسزينپيننٸڭ وڭ جاعىنان ورىن بەرٸلگەن. ال ۆلاديمير پۋتينگە سامميت يەسٸ سي تسزينپيننٸڭ جۇبايىنىڭ سول جاعىنداعى ورىندى ٶزٸ كٶرسەتكەن.

قاليەۆ قىتاي سەكٸلدٸ ديپلوماتييالىق دەستٷر مەن استارلى يشاراعا ەرەكشە مەن بەرەتٸن ەل ٷشٸن مۇنداي رەسٸمدەردٸڭ ماڭىزى زور ەكەنٸن ايتادى. ەۋەجايدا قارسى الۋ دەڭگەيٸ, دەلەگاتسييا مٷشەلەرٸنٸڭ ورنالاسۋى مەن سۋرەتكە تٷسۋ كەزٸندەگٸ ورىن تەرتٸبٸ ارقىلى مەملەكەتتەر بٸر-بٸرٸنە بەلگٸلٸ بٸر ساياسي سيگنال بەرەدٸ.

«بۇدان شىعاتىن قورىتىندى – قازٸرگٸ گەوساياسي جاعدايدا بەيجٸڭ ٶزٸن تەك ۆاشينگتونمەن تەڭ دەرەجەدە سانايدى. قىتاي قول جەتكٸزگەن مەرتەبەسٸنەن ٶز ەركٸمەن باس تارتۋعا نيەتتٸ ەمەس», – دەپ تٷيٸندەيدٸ ساياساتتانۋشى تالعات قاليەۆ.

ەسكە سالايىق, بٷگٸن قىتايدا پۋتين مەن ترامپتىڭ ماڭىزدى كەلٸسسٶزٸ باستالدى.