"Samuryq-Qazyna" qorynda taǵy bir basshy ustaldy: UQK tergeý júrgizip jatyr

"Samuryq-Qazyna" qorynda taǵy bir basshy ustaldy: UQK tergeý júrgizip jatyr
Foto: sk.kz

"Samuryq-Qazyna" ulttyq ál-aýqat qorynda taǵy bir laýazymdy qyzmetkerdiń ustalǵany rastaldy. Oǵan qatysty Ulttyq qaýipsizdik komiteti sotqa deiingi tergeý amaldaryn júrgizip jatyr, dep habarlaidy dalanews.kz.

"Samuryq-Qazyna" qorynyń baspasóz qyzmeti atalǵan jaǵdaiǵa qatysty resmi túsinikteme berdi.

"Qolda bar aqparatqa sáikes, qor departamentteriniń biriniń qyzmetkerin ustaý onyń burynǵy eńbek qyzmetine bailanysty mán-jailarǵa qatysty jáne qazirgi laýazymdyq mindetterin oryndaýyna qatysy joq", – dep málimdedi qor ókilderi.

Ulttyq qaýipsizdik komiteti de atalǵan qyzmetkerge qatysty sotqa deiingi tergeý júrgizilip jatqanyn rastady. Alaida vedomstvo Qylmystyq-protsestik kodekstiń 201-babyna sáikes tergeýdiń ózge málimetteri jariialanbaitynyn habarlady.

Eske sala keteiik, 11 qarashada UQK Sybailas jemqorlyqqa qarsy is-qimyl qyzmeti "Samuryq-Qazyna" qorynyń basqarma tóraǵasy Nurlan Jaqypov pen "Qazaqstan temir joly" ulttyq kompaniiasynyń basshysy Eljas Otynshievti ustaǵan bolatyn.