Qazaqstanda 31 jeltoqsan resmi demalys kúni bolmaidy – Eńbek ministrligi

Qazaqstanda 31 jeltoqsan resmi demalys kúni bolmaidy – Eńbek ministrligi
pixabay.com

Qazaqstanda 2026 jylǵy 31 jeltoqsan resmi demalys kúni bolyp belgilenbeidi. Eńbek jáne halyqty áleýmettik qorǵaý ministrligi mundai sheshimdi halyqaralyq tájiribeni zerdeleý nátijesimen túsindirdi, dep habarlaidy dalanews.kz.

Ministrliktiń málimetinshe, 31 jeltoqsandy qosymsha mereke nemese demalys kúni etý máselesi buǵan deiin birneshe ret qaralǵan. Bul rette azamattardyń ótinishteri, qoǵamdyq pikir jáne ózge elderdiń tájiribesi eskerilgen.

Zertteý nátijesinde kóptegen memlekette 31 jeltoqsan jumys kúni bolyp sanalatyny, al 1 jáne 2 qańtar merekelik demalys kúnderi ekeni anyqtalǵan.

«Osyǵan bailanysty qazirgi ýaqytta Qazaqstan Respýblikasynyń zańnamasyna 31 jeltoqsandy qosymsha merekelik nemese demalys kúni retinde belgileý jóninde ózgerister engizý máselesi qarastyrylyp jatqan joq», – dep habarlady vedomstvo «Kýrsiv» basylymyna.

Sonymen birge jumys berýshilerge 31 jeltoqsanda jumys kúnin qysqartýǵa nemese qyzmetkerlerge qosymsha demalys berýge ruqsat etiledi. Mundai sheshim kásiporynnyń ishki aktileri men ujymdyq shartynda belgilenýi múmkin.