Almatyda metronyń taǵy úsh stantsiiasynyń qurylysy bastaldy, dep habarlaidy dalanews.kz.
Metro ókilderi birinshi jelini uzartý jumystary týraly málimet berdi. "Qalqaman" stantsiiasynan "Barlyq" bazaryna deiingi ýchaskeni 2029 jylǵa deiin aiaqtaý josparlanǵan.
Jańa ýchaskede úsh stantsiia salynady. Ázirge olardyń jumys ataýy - I, II jáne III.
- I stantsiiasy Alataý dańǵylynda, Abai dańǵyly men Sábdenov kóshesi arasynda, Naýryzbai aýdany ákimdigine jaqyn jerde ornalasady. Munda injenerlik jeliler kóshirilip, ainalma jol salyndy. Qazir mamandar jer qazý jumystaryna kirisip jatyr.
- II stantsiiasy Alataý dańǵyly men Tóle bi kóshesiniń jańa bóliginiń qiylysynda ornalasady. Qazir munda kommýnikatsiialardy kóshirý jáne ainalma jol salý jumystary aiaqtalyp jatyr.
- III stantsiiasy "Barlyq" bazary aýmaǵynda salynady. Bul - qurylys eń qarqyndy júrip jatqan ýchaske. Munda platformany betondaý jumystary qyzý júrip jatyr.
Qurylys jumystary úsh ýchaskede de qatar júrgizilip jatyr.