"Halyqtyń taǵdyryna áser etetin sheshim qabyldaityn adamnyń nieti, qoly taza bolýy kerek" - Toqaev

"Halyqtyń taǵdyryna áser etetin sheshim qabyldaityn adamnyń nieti, qoly taza bolýy kerek" - Toqaev
Aqorda

Memleket basshysy Qasym-Jomart Toqaev aýyl sharýashylyǵy eńbekkerleriniń úshinshi forýmynda sóz sóiledi, dep habarlaidy dalanews.kz.

Qasym-Jomart Toqaevtyń sózinshe, halyqtyń taǵdyryna áser etetin sheshim qabyldaityn adamnyń nieti, oiy, qoly taza bolýy kerek.

"Qaitalap aitamyn: eshkim de zańnan biik emes. Bul talap, ásirese, "Halyqtyq qurylys" baǵdarlamasyn júzege asyrý kezinde qatań saqtalýy qajet. Osy máselemen ainalysatyn arnaiy komissiia óz jumysyn bastaidy. Myna nárseni árdaiym qaperde ustaǵan jón. Kim qylmys jasaidy, sol mindetti túrde jazasyn alady. Kim óz jumysyna salǵyrt qaraidy, sol ornynan bosatylady . Joǵary laýazym – eń aldymen, joǵary jaýapkershilik degen sóz. Halyqtyń taǵdyryna áser etetin sheshimderdi qabyldaityn adamnyń nieti, oiy, qoly taza bolýy kerek. Árine, biz azamattardyń elge sińirgen eńbegin joqqa shyǵarmaimyz. Biraq keshegi jetistigin buldap, arqany keńge salyp júrýge kimniń bolsa da, haqy joq. Men úshin adamnyń shyqqan tegi, laýazymy emes, naǵyz isker bolǵany mańyzdy. 
Jalpy, iskerlik – memlekettik bilik júiesine ǵana emes, barlyq salaǵa qajet daǵdy", - dedi Toqaev.