Qaraǵandyda áieldi bir jarym jyl boiy ańdyǵan er adamǵa sot úkimi shyqty, dep habarlaidy dalanews.kz.
Sot dereginshe, ol 2024 jyldyń naýryzynan bastap áielge messendjerler arqyly qaita-qaita habarlama jibergen. Jábirlenýshi ony buǵattaǵannan keiin er adam úiine kelip, balaǵattap, janjal shyǵarǵan.
Biyl tamyz aiynda oǵan áielge jaqyndaýǵa jáne mazalaýǵa tyiym salatyn qorǵaý nusqamasy berildi. Alaida ol bul talapty oryndamai, qýdalaýyn jalǵastyrǵan.
Jábirlenýshi politsiiaǵa qaita aryzdanǵan soń, er adam stalking baby boiynsha kináli dep tanyldy. Sot oǵan 100 saǵat qoǵamdyq jumys jazasyn taǵaiyndady.
Sonymen qatar bir jyl boiy oǵan áieldi izdeýge, ańdýǵa, júrgen jerine barýǵa, telefon soǵýǵa nemese basqa jolmen bailanysýǵa tyiym salyndy. Ol jábirlenýshiniń týystary arqyly da habarlasa almaidy.