قاراعاندىدا ەيەلدٸ بٸر جارىم جىل اڭدىعان ەر ادام جازالاندى

قاراعاندىدا ەيەلدٸ بٸر جارىم جىل اڭدىعان ەر ادام جازالاندى
فوتو: bes.media

قاراعاندىدا ەيەلدٸ بٸر جارىم جىل بويى اڭدىعان ەر ادامعا سوت ٷكٸمٸ شىقتى, دەپ حابارلايدى dalanews.kz.

سوت دەرەگٸنشە, ول 2024 جىلدىڭ ناۋرىزىنان باستاپ ەيەلگە مەسسەندجەرلەر ارقىلى قايتا-قايتا حابارلاما جٸبەرگەن. جەبٸرلەنۋشٸ ونى بۇعاتتاعاننان كەيٸن ەر ادام ٷيٸنە كەلٸپ, بالاعاتتاپ, جانجال شىعارعان.

بيىل تامىز ايىندا وعان ەيەلگە جاقىنداۋعا جەنە مازالاۋعا تىيىم سالاتىن قورعاۋ نۇسقاماسى بەرٸلدٸ. الايدا ول بۇل تالاپتى ورىنداماي, قۋدالاۋىن جالعاستىرعان.

جەبٸرلەنۋشٸ پوليتسيياعا قايتا ارىزدانعان سوڭ, ەر ادام ستالكينگ بابى بويىنشا كٸنەلٸ دەپ تانىلدى. سوت وعان 100 ساعات قوعامدىق جۇمىس جازاسىن تاعايىندادى.

سونىمەن قاتار بٸر جىل بويى وعان ەيەلدٸ ٸزدەۋگە, اڭدۋعا, جٷرگەن جەرٸنە بارۋعا, تەلەفون سوعۋعا نەمەسە باسقا جولمەن بايلانىسۋعا تىيىم سالىندى. ول جەبٸرلەنۋشٸنٸڭ تۋىستارى ارقىلى دا حابارلاسا المايدى.